ئیبراهیمۆڤیچ باس لە ڕووداوەكەی دەكات بەرامبەر لوكاكۆ
یاریگا- زلاتان ئیبراهیمۆڤیچی سویدی و ئەستێرەی یانەی ئەی سی میلانی ئیتاڵی ڕەتیدەكاتەوە هیچ ووشەیەكی ڕەگەزپەرستی بەرامبەر لوكاكۆ ووتبێت.
لە یاری چارەكی كۆتایی جامی ئیتاڵیای نێوان ئەی سی میلان و ئینتەر میلان لە كۆتایی گێمی یەكەمدا ئیبراهیمۆڤیچ و لوكاكۆ دەبێت بە شەڕیان و زۆربەی سەرچاوەكان باسیان لەوە دەكرد زلاتان وشەی ڕەگەزپەرستی بەرامبەر لوكاكۆ بەكارهێنابێت بەلام ئەستێرە سویدیەكە ئەوە ڕەتدەكاتەوە.
لە پەڕەی تایبەتی خۆی لە توویتەر سوڵتان نووسیوویەتی: ” لە جیهانی زلاتاندا هیچ شوێنێك نیە بۆ ڕەگەزپەرستی ، ئێمە هەموومان یەك ڕەگەزین ، هەموومان یەكسانین ، ئێمە هەموومان یاریزانین باشترین لەوانی دیكە ”.
In ZLATAN’s world there is no place for RACISM.
We are all the same race – we are all equal !!
We are all PLAYERS some better then others.https://t.co/DhguHUOFte— Zlatan Ibrahimović (@Ibra_official) January 27, 2021
شایەنی باسە ئینتەر میلان توانی لە ئەی سی میلان بباتەوە و خۆی بگەیەنێتە قۆناغی داهاتووی جامی ئیتاڵیا.
