ڕیاڵی بێ ڕۆناڵدۆ لە قەیراندایە لە چامپیۆنزلیگ

یاریگا- ئامارەکان دەریدەخەن ڕیاڵ مەدرید لە بێ ڕۆناڵدۆییدا گرفتێکی قووڵی هەیە لە چامپیۆنزلیگ هەر لە قۆناغی کۆمەڵەکاندا.

بە گوێرەی ئەو زانیاریەی پێگەی ESPNی وەرزشی بڵاوی کردۆتەوە، لەو کاتەوەی کریستیانۆ لە ساڵی 2018 مێرەنگی بەرەو یوڤێنتوس بەجێ هێشتووە، ڕیاڵ زۆرترین یاری قۆناغی کۆمەڵەکانی دۆڕناندووە بە شێوەیەک ژمارەی شکستەکانیان دوای دۆن زیاترە لە کۆتا نۆ ساڵی ڕابردووی یانە شاهانەکە.

کوڕانی زینەدین زیدان لەم وەرزەی پاڵەوانێتیەکەدا لە کۆی پێنج یاریی دوو شکست و یەکسانبوونێکی تووش بووە و لە پلەی سێیەم دێت دوای یانەکانی مونشنگلادباخ و شاختار.