رافینیا قوربانیی دەستی نزیکترین کەسیەتی؛ چیرۆکی پشت قەیرانە داراییەکانی ئەستێرەکەی بارسێلۆنا

یاریگا –

دوای ئەوەی سەرچاوە میدیاییەکانی بەرازیل بڵاویانکردەوە، رافینیا، ئەستێرەی بەڕازیلی رووبەڕووی کێشەی دارایی قورس بووەتەوە، ئێستا هۆکاری ئەو قەیرانە ئاشکرا دەکرێت.

بەپێی ئەو زانیارییانەی رۆژنامەی LEODIASـی پۆرتوگالی بڵاویکردووە، بابەتەکە پەیوەندی بە قۆرخکارییەکی بێدەنگەوە هەیە لەلایەن نزیکترین کەسی یاریزانەکەوە.

🚨 BREAKING: This is why some reports in Brazil were claiming that Raphinha is facing financial problems:

– Raphinha’s father kept 80% of the player’s rights and career earnings, without the player knowing

– Raphinha reportedly found out when he tried to buy a mansion with his… pic.twitter.com/zBx2P7WIAi

— Barça Universal (@BarcaUniversal) June 25, 2026

 لە سەرەتای دەستپێکردنی کاروانی وەرزشییەوە، باوکی رافینیا وەکوو بریکار و سەرپەرشتیاری کارەکانی رۆڵی بینیوە، بەبێ ئەوەی یاریزانەکە هیچ زانیارییەکی هەبێت، باوکی لە %80ـی مافەکانی وێنە، گرێبەستەکان و سەرجەم ئەو داهاتانەی خستووەتە سەر ناوی خۆی کە کوڕەکەی بە ماندووبوون لەسەر یاریگا بەدەستیهێناوە.

رفینیا بە درێژایی ساڵانی رابردوو، چ لە کاتی یاریکردنی لە پرێمەرلیگ و چ لەکاتی گواستنەوەی بۆ بارسێلۆنا، وایزانیوە کە سامانێکی زەبەلاحی لە بانکەکاندا کۆکردووەتەوە و تەواوی متمانەی بە باوکی هەبووە لە بەڕێوەبردنی کارەکانیدا.

رۆژنامەکە ئەوەشی ئاشکرا کردووە، هەموو ئەم راستییە تاڵانە کاتێک روونبوونەوە کە رافینیا هەوڵیدا هەنگاوێکی نوێ لە ژیانی تایبەتیدا بنێت و یاریزانەکە ویستی لەگەڵ هاوسەرەکەی کۆشکێکی گەورە و گرانبەها بکڕن بۆ ئەوەی تێیدا نیشتەجێ ببن.

کاتێک بریکارە سەربەخۆکان و پارێزەرەکانی بۆ تەواوکردنی مامەڵەی کڕینی کۆشکەکە سەردانی هەژمارە بانکییەکانیان کرد، رافینیا تووشی شۆکێکی دەروونی و دارایی گەورە بوو، بۆی دەرکەوت کە ئەو بڕە پارەیەی لەبەردەستیدایە زۆر کەمترە لەو ژمارە خەیاڵییەی کە خۆی پێشبینی دەکرد و بەشە هەرە زۆرەکەی سامانی ماندووبوونی ساڵانەی لەژێر کۆنترۆڵی خۆیدا نەماوە.