یاریگا –
پێکانی درێژخایەن و یەک لەدوای یەکەکان ئەستێرەیەکی ریال مەدرید لە کەناری وازهێنان لە تۆپی پێ نزیک دەکاتەوە.
ئەم وەرزە بۆ یانە شاهانەکە پڕ ئاڵنگاریی و ئەنجامی خراپ بوو، تەنانەت بە گۆڕینی چابی ئالۆنسۆ و هاتنی ئالڤارۆ ئاربێلواش دۆخەکە لەبری ئەوەی ئەرێنی بێت، گۆڕا بەرەو خراپتر. ئەوە جگە لە دۆخی پێکانەکان کە هەر لە سەرەتاکانی وەرزەوە نائومێدیەکی زۆری لەنێو یانەکەدا دروستکردبوو.
لە یاریی رابردوویاندا بەرامبەر ئیسپانیۆل، فێرلاند مێندی کە ماوەیەکی زۆرەوە پێکانەکان بوونەتە دێوەزمە بۆی، جارێکیتر پێکرا و لە خولەکی 14 گۆڕانکاریی ناچاری بۆکرا.
سەرەتا سەرچاوەکانی هەواڵ، بەتایبەت کادێنا کۆپ، ئاشکرایکرد کە یاریزانە فەڕەنسیەکە پێویستی بە نەشتەرگەریی دەبێت و بۆ ماوەی 5 مانگ دووردەکەوێتەوە.
کەچی ئێستا دەرکەوتووە پێکانەکە لەوە سەختترە و ماوەی دوورکەوتنەوەشی لەوە زیاتر دەخایەنێت.
بەگوێرەی زانیارییەکانی تێمپۆ دی جێگۆ کە سەرچاوەیەکی ناسراوی ئیسپانییە، لە چەند رۆژی داهاتوودا نەشتەرگەریی بۆ مێندی دەکرێت.
سەبارەت بە ماوەی دوورکەوتنەوەی، سەرچاوەکە نووسیویەتی بۆ ماوەی ساڵێک لە یاریکردن دادەبڕێت.
💥 Informa @miguelitocope
😰 La lesión de Mendy es mucho más grave de lo esperado y estará un año de bajahttps://t.co/KRFR5SzZba
— Tiempo de Juego (@tjcope) May 7, 2026
لای خۆیەوە فابریزۆ رۆمانۆش هەواڵەکەی بڵاوکردووەتەوە و نووسیویەتی ئێستا هەموو هیوایەکی ریال مەدرید بۆ بەرگریکارەکەی ئەوەیە بەهۆی پێکانەکەیەوە ناچار نەبێت بە وازهێنانی یەکجارەکی لە تۆپی پێ.
🚨 Ferland Mendy could be out for up to one year after his new injury — reports @tjcope.
Real Madrid expect surgery next and then final timeline, hoping to avoid retirement thoughts after another injury. pic.twitter.com/iYIvjAbzym
— Fabrizio Romano (@FabrizioRomano) May 7, 2026
