هەڵبژاردەی نیشتیمانی بۆ باشترینەکانە؛ رۆماریۆ هۆشداریی دەداتە ئانچیلۆتی

یاریگا –

بڕیاری دوورخستنەوەی نەیمار لە لیستی هەڵبژاردەی ئەڵمانیا بەتەواوی لەلایەن هاندەرە بەڕازیلییەکانەوە پاڵپشتی نەکراوە.

مشتومڕێکی زۆر لە بەڕازیل هەیە بەهۆی بانگێشت نەکردنی نێیمار بۆ هەڵبژاردەی نیشتیمانی. ئەستێرە بەڕازیلییە گوتی کە خەمبار و بێهیوایە لە بانگێشت نەکراوە بەڵام ئامادەیە هەوڵی زۆر بدات تاوەکوو بگەڕێتەوە تیمەکە. زۆرێک لە خەڵکی پاڵپشتی دەکەن، لەنێوانیشیان رۆماریۆی ئەفسانەی پێشووی هەڵبژاردەکەیە کە بەشێوەیەکی ئاشکرا رەخنەی لە کارلۆ ئانچیلۆتی راهێنەر گرت.

براوەی پێشووی جامی جیهانیی گوتی، “هەڵبژاردەی نیشتیمانی بۆ باشترین و بەهرەمەندترینەکانە’. باوەڕیشی وایە یاریزانێکی وەکوو نێیمار پێویستە بانگێشت بکرێت، تەنانەت ئەگەر لە باشترین دۆخی خۆشیدا نەبێت. سەرەڕای ئەوەش راهێنەرە ئیتاڵییەکە پابەندە بە یاسایەکی توندەوە: تەنیا کاتێک بیر لە بانگێشتکردنی یاریزانەکە دەکرێتەوە ئەگەر 100% لەڕووی جەستەییەوە ئامادە بێت. ئەمەش دوای ئەو کێشانەی ئەژنۆی دێت کە لە چەند مانگی رابردوو کاریگەری لەسەر ئاستی نێیمار هەبووە.

دوای گەڕانەوەی بۆ سانتۆس، نێیمار هێشتا لە پڕۆسەری چاکبوونەوەدایە. قسەکانی رۆماریۆ لەگەڵ نزیکبوونەوەی جامی جیهانیی 2026 جارێکی دیکە مشتومڕی دروستکردووەتەوە. زۆرێک لە هاندەران باوەڕیان وایە نێیمار هێشتا دەتوانێت بۆ تیمەکە یاریزانێکی یەکلاییکەرەوە بێت. لە کاتێکدا رۆماریۆ گوتی کە پاڵپشتی تیمەکە دەکات بەهەر شێوەیەک بێت، زۆر بە روونی باسی لەوە کرد کە دەیەوێت لە جامی جیهانیی داهاتوو نێیمار ببینێت. بە پەیامێکی راستەوخۆش بۆ کارلۆ ئانچیلۆتی کۆتایی بە قسەکانی هێنا و گوتی: “سەرنج بدە گەورەم، پاڵەوان دەبێت یاریی بکات.”

نێیمار بۆ یارییە دۆستانەکانی داهاتوو لە 26ـی ئازار بەرامبەر فەڕەنسا و 31ـی ئازار بەرامبەر کرواتیا لە پێکهاتەی هەڵبژاردەکە دوورخراوەتەوە. ئەم دوو یارییە دەبنە دوایین تاقیکردنەوە پێش ئەوەی کارلۆ ئانچیلۆتی لە 18ـی گوڵان لیستی فەرمی بڵاو بکاتەوە.

نێیمار دوای گەڕانەوەی بۆ سانتۆس ئاستێکی باشی نیشانداوە، لە دوایین سێ یارییدا سێ گۆڵی کردووە. تەنانەت ئانچیلۆتی خۆی بۆ سەیرکردنی گەشتی کرد، بەڵام نێیمار بەهۆی شەکەتبوونی ماسوولکەکانی یاریی نەکرد. بۆ ئێستا راهێنەرەکە یاریزانی لاوتری وەکوو ئێندریک و ڤینیسیۆس جونیۆر هەڵدەبژێرێت، ئەمەش نەیماری لە کێبڕکێی دژی کات بۆ سەلماندی تەندوست باشی خۆی جێهێشتووە.