فۆرمولا وەن؛ جۆرج رەسڵ بووە براوەی پێشبڕکێی کورتی چین
یاریگا –
جۆرج رەسڵ، شۆفێری تیمی مێرسێدێس بووە براوەی پێشبڕکێی کورتی چین و دووەم کێبڕکێیە بەدوای یەک دەبێتە پاڵەوان.
بەرەبەیانی ئەمڕۆ شەممە 14ـی ئازاری 2026 دووەم پێشبڕکێی ئەمساڵی فۆرمولا وەن لە چین بەڕێوەچوو، جۆرج رەسڵ، شۆفێری تیمی مێرسێدێس پلەی یەکەمی بەدەستهێناوە و بووە براوە و 8 خاڵی دیکەی کۆکردەوە.
هاوکات چارلس لکلێرک، شۆفێری تیمی فیراری پلەی دووەمی بەدەستهێنا و 7 خاڵی کۆکردەوە، هەروەها لویس هامڵتن، شۆفێری تیمی فیراری پلەی سێیەمی بەدەستهێنا و 6 خاڵی کۆکردەوە.
Russell takes the top spot 👏
These are our Sprint point-scorers in Shanghai 📊⬇️#F1Sprint #ChineseGP @Gatorade pic.twitter.com/AZeshy1oFk
— Formula 1 (@F1) March 14, 2026
لاندۆ نۆریس، شۆفێری مەکلارن پلەی چوارەمی بەدەستهێنا و 5 خاڵی کۆکردەوە و کیمی ئانتۆنێلی شۆفێری مێرسێدێس پلەی پێنجەمی بەدەستهێنا و لە کێبڕکێی چین 4 خاڵی کۆکردەوە.
ئۆسکار پیاستری شۆفێری مەکلارن پلەی شەشەمی بەدەستهێنا و 3 خاڵی کۆکردەوە، لیام لاوسن 2 خاڵ و ئۆلیێ بێرمان 1 خاڵیان بەدەستهێنا.
دوای بەڕیوەچوونی خەڵاتی گەورەی ئوسترالیا و خەڵاتی کورتی چین، ئێستا جۆرج رەسڵ بە کۆکردنەوەی 33 خاڵ پێشەنگی گرتووە، کیمی ئانتۆنێلی بە 22 خاڵ پلەی دووەمی گرتووە، چارلس لکلێرکیش بە کۆکردنەوەی 22 خاڵ لە پلەی سێیەم و لویس هامڵتن بە 18 خاڵ پلەی چوارەمی گرتووە.
Antonelli and Leclerc are now tied for P2! 👀
The Drivers' Standings now look like this after the Sprint… ⬇️#F1Sprint #ChineseGP pic.twitter.com/zECwhfbUUO
— Formula 1 (@F1) March 14, 2026
