یاریگا –
لیۆنێل مێسی، ئەفسانەی ئەرجەنتینی تووشی پێکان بووە و ماوەیەک لە یاریکردن دادەبرێت.
یانەی ئینتەر مەیامی بەفەرمی رایگەیاند، دوای ئەوەی پشکنینی پزیشکی بۆ لیۆنێل مێسی کراوە دەرکەوتووە ماسوولکەی رانی یاریزانەکە تووشی پێکان بووە بەو هۆیە لە یاریکردن دادەبڕێت و وادەی گەڕانەوەی پەیوەستە بە توانای چاکبوونەوەی لەو پێکانە.
مێسی یەکشەممەی رابردوو 8ـی شوباتی 2026 لە یاریی بەرامبەر بارسێلۆنای ئێکوادۆری تووشی پێکان بوو، بەو هۆیە تاوەکوو ئێستا نەگەڕاوەتەوە مەشقەکانی یانەکە.
بڕیاربوو شەممە 14ـی شوباتی 2026 ئینتەر مەیامی لە یارییەکی دۆستانە رووبەڕووی دێل ڤالی ئێکوادۆری ببێتەوە بەڵام بەهۆی پێکانی لیۆنێل مێسی یارییەکە بۆ دوو هەفتەی دیکە دواخرا.
مێسی بەهۆی دواخرانی یارییەکە پەیامێکی بڵاوکردووەتەوە داوای لێبوردن لە هاندەران دەکات.
رێز و خۆشەویستییەکی زۆرم بۆ هەمووتان هەیە، سوپاسی خۆشەویستی ئێوەش دەکەم، دەزانم سەرجەم بلیتەکانی یارییەکە فرۆشراون، بەویستی خودا یەکتر دەبینین و هیوادارم لەداهاتوودا ئەوە رووبدات.
Lionel Messi has recently issued an apology to his fans in Puerto Rico after confirming his minor injury led to the rescheduling of the friendly match against Independiente del Valle which has been changed to February 26 in Bayamón, Puerto Rico.
“I send you all my great love,… pic.twitter.com/oyKOuBUoB7
— Messi Media (@LeoMessiMedia) February 12, 2026
