دەنگۆی رێککەوتنی پێشوەختە هەیە؛ فیفا بڕیاری خۆی لەسەر لێکۆڵینەوە لە یاریی نێوان جەزائیر و نەمسا دەدات
گومانەکانی سەر ئەو یارییە لە زیادبووندان
یاریگا –
جەزائیر و نەمسا لە یارییەکەی نێوانیان لە کاتی زیادکراو گۆڵیان کرد، ئەمەش وایکرد هەردوو هەڵبژاردنەکە سەرکەون بۆ قۆناخی 32 و بووە هۆی دروستبوونی تۆمەتی رێککەوتنی پێشوەختە.
رۆژنامەی میرەر بڵاویکردووەتەوە، چاوەڕوان ناکرێت فیفا لێکۆڵینەوە لەو بانگەشانە بکات کە دەڵێن یاریی نێوان نەمسا و جەزائیر لە مۆندیال، بە جۆرێک رێکخرابوو کە لە بەرژەوەندیی هەردوو تیمی رکابەردا بێت.
FIFA take decision over investigating Algeria vs Austria clash following match fixing claims – @CrossyDailyStar https://t.co/zGLfsSxwjL pic.twitter.com/wawNgeHhf6
— Mirror Football (@MirrorFootball) June 29, 2026
پێشتر وا پێشنیار کرابوو کە هەردوو هەڵبژاردنەکە لە کۆتا یاریی قۆناخی کۆمەڵەکاندا لەسەر یەکسانبوونێکی هاوبەش رێککەوتوون، تاوەکوو هەردوولا پێکەوە سەرکەون بۆ قۆناخی داهاتوو.
یارییەکە بە ئەنجامێکی دراماتیکی 3-3 کۆتاییهات، بەشێوەیەک کە نەمسا لە خولەکی 96 گۆڵی یەکسانبوونی کرد؛ ئەمەش رێک سێ خولەک دوای ئەوە هات کە ریاز مەحرەز جەزائیری پێشخستبوو.
ئەو گۆڵەی جەزائیر دوای پێنج خولەک لە هێرشبردن و گۆڕینەوەی 110 پاسی یەک لەدوای یەک هات، کە خەریک بوو نەمسا بنێرێتەوە ماڵەوە.
لە کۆتاییدا، تیمەکەی راڵف راگنیک بە پلەی دووەم سەرکەوت و جەزائیریش بە پلەی سێیەم هاوشانی ئەوان گەیشتە قۆناخی داهاتوو.
رەخنەگران پێیان وایە کە ئەم ئەنجامە بەمەبەست پلانی بۆ دانراو، بە شێوەیەک کە جەزائیر رێگەی بە رکابەرەکەی داوە لە کۆتا چرکەکانی یارییەکەدا ئەنجامەکە یەکسان بکاتەوە، بەڵام زانیارییەکان ئاماژە بەوە دەکەن کە فیفا ئەو پێشنیارانەی رەتکردووەتەوە و هیچ نیگەرانییەکی لەسەر ئەنجامی یارییەکە نییە.
کاردانەوەی راگنیک و مەحرەز
راڵف ڕاگنیک، راهێنەری نەمسا، بەتەواوی ئەم دەنگۆیانەی ڕەتکردەوە. لە بەرامبەردا، ریاز مەحرەز کاتێک دانی بەوەدانا کە دۆخی کۆتایی یارییەکە ناڕەحەت و سەیر بووە، نەیتوانی گومانەکان بڕەوێنێتەوە.
ئەستێرەکەی پێشووی مانچستەر سیتی رایگەیاند
دۆخەکە کەمێک ناڕەحەت و سەیر بوو. ئێمە لە لایەکانەوە یاریمان دەکرد و ئەوانیش پاشەکشەیان کردبوو، بەڵام لە کۆتا خولەکدا کەسێک تۆپەکەی نارد، ئەویش چاوی لێبوو و منیش دەبوو رابکەم. من دەبێت رێز لە تۆپی پێ بگرم؛ تۆپەکە گەیشتە بەردەم گۆڵپارێز و منیش دەبوو گۆڵ بکەم، دەبوو هەوڵی گۆڵکردن بدەم. دەزانم دۆخێکی سەیر بوو، بەڵام ئەمە تۆپی پێیە و دەبێت رێزی لێبگیرێت. شتە باشەکە بۆ ئەوانئەوەیە کە گۆڵیان کرد و سەرکەوتن. ئێمە هەردوولامان سەرکەوتین، ئەمەش گرنگترین شتە.
