لەپێناو ریال مەدرید؛ راول ئاسێنسیۆ لە سەرەتای وەرزەوە بە بارودۆخێکی تایبەتەوە یاریکردووە

یاریگا –

راول ئاسێسنیۆ ئەگەرچی زوو زوو دەکەوێتەبەر رەخنەی هاندەرانی ریال مەدرید بەهۆی هەڵکشان و داکشان لە ئاستیدا، بەڵام زانیاریەکی گەورەی لەسەر ئاشکرادەکرێت کە رەنگە رای مەدریدستای لەسەر بگۆڕدرێت بە ئاڕاستەی ئەرێنی.

لە سەرەتای وەرزەکەوە تا ئێستا مەدرید چەندینجار دووچاری پێکان بووەتەوە لە ریزەکانیدا  بەتایبەت هێڵێ بەرگری، بەجۆرێک ژمارەکان بۆ بەرپرسانی یانەکە مایەی سەروسوڕمان بووە.

بەرپرسانی ریال مەدرید سەریانسوڕماوە لەو شەپۆلە پێکانەی بەرۆکی یاریزانەکانیان دەگرێت

لە نوێترین زانیارییدا کە رامۆن ئالڤارێزی بڵاویکردووەتەوە، ئاسێنسیۆش بەدوور نەبووە لە ئازار و نائاسوودەیی جەستەیی، بەڵکوو لە سەرەتای وەرزەکەوە چەند جارێک بە ئازارەوە یاریکردووە بەهۆی شکانێک لە ئێسقانی لاقی.

ئەو رۆژنامەنووسە ئاشکرایکردووە کە سەرەڕای ئەوەی ئێستا بەرگریکارەکە پێویستی کەوتووەتە پشکنین، بەڵام پێیوایە دەتوانێت لە یارییەکانی داهاتووش بەردەوامبێت بۆ هاوکاریکردنی یانەکەی.

ئالڤارێز ئەوەشی نووسیوە کێشەکانی هێڵی بەرگریی شاهانەکان وای کردووە ئاسێنسیۆ ئەوپەڕی هەوڵی خۆی بدات بۆ یاریکردن.

🚨A falta de hacerse pruebas, Asencio cree que podrá seguir ayudando al equipo en los siguientes partidos. Lleva jugando un tiempo con dolor causado por una fisura en la tibia desde el principio de temporada, pero los problemas en defensa del Madrid le han llevado a hacer el… pic.twitter.com/LdqgaWZEwM

— Ramón Álvarez de Mon (@Ramon_AlvarezMM) January 21, 2026