یاریگا –
براوەی خەڵاتی گۆڵدن بۆی بۆ ساڵی 2025 بەفەرمی ناسێنرا و دێسیرێ دۆوێ لە ئیتاڵیاوە وەک براوە خەڵاتەکەی پێدرا.
دۆوێ ساڵی رابردوو لەگەڵ پاریس سانجێرمان وەرزێکی ئەفسووناوییان بەڕێکرد و کۆڵەکەیەکی سەرەکی تیمەکەی لویس ئێنریکی بوو بۆ بردنەوەی نازناوە نێوخۆییەکان و خەونە گەورەکەیان کە چامپیۆنزلیگ بوو. ئەوە جگە لە جامی سوپەری ئەوروپا.
خەڵاتی گۆڵدن بۆی لەوەتەی ساڵی 2003 دەبەخشرێتە باشترین یاریزانی خوار تەمەن 21 ساڵان. ئەمشەو رۆژنامەی بەناوبانگی ئیتاڵی توتۆسپۆرت کە رێکخەری بۆنەکەیە، بە دەنگی 50 رۆژنامەنووس لەسەر ئاستی ئەوروپا دەنگ بە بەربژێرەکان دەدەن. ئەمشەویش دێسیرێی وەک براوە خەڵاتکرا.
دۆوێ بووە چوارەم فەڕەنسیی کە بتوانێ وەک “لاوی ئاڵتوونی” دەستنیشان بکرێت.
🚨🌕 Désiré Doué receives Golden Boy Award 2025 as Best Talent of the Year.
Doué, in Turin tonight to get the Award. ✨@GoldenBoyAwards @tuttosport pic.twitter.com/mvy5uU7N7k
— Fabrizio Romano (@FabrizioRomano) December 1, 2025
ئەو یاریزانە کە لە هەردوو پێگەی ناوەراستکاری هێرشبەریی و باڵەکانیش یاریی دەکات، وەرزی رابردوو لەگەڵ پی ئێس جی لە 61 یارییدا بەشداری کرد توانی 16 گۆڵ و 16 ئەسێست تۆماربکات.
