یاریگا –
دوو ئەستێرەی پاریس سانجێرمان پلانی جێهێشتنی یانەکەیان هەیە و سەرچاوەیەکیش هۆکارەکەی ئاشکرادەکات.
پی ئێس جی بە راهێنەرایەتی لویس ئێنریکی توانیان بۆ دووەم وەرز لەسەریەک ببنە پاڵەوانی چامپیۆنزلیگ و خولی نێوخۆیی فەڕەنسا.
دوو وەرزە راهێنەرە ئیسپانییەکە پێکهاتەیەکی تا رادەیەکی زۆر جێگیر کردووە، بەجۆرێک کە دیارترین ئەستێرەکانیشی پابەندن بە بڕیارەکانیەوە. ئەوەشی لەسەر کورسی یەدەکە، چاوی لە خولەکی زیاتری یاریکردنە. بەتایبەت هەریەکە لە گۆنچالۆ رامۆس و کانگ ئین لی.
بەگوێرەی زانیارییەکانی فابریزیۆ رۆمانۆ، ئەو دوو یاریزانە بەدوای خولەکی زیاتری یاریکردنەوەن.
هێرشبەرە پۆرتوگالیەکە لە 30 لە یارییەکانی ئەم وەرزەی خولی فەڕەنسی و لە 11 یاریی چامپیۆنزلیگ بەشداریی پێکرا بەڵام بەزۆری وەک یەدەک. لە سەرجەم پاڵەوانێتیەکاندا 9 گۆڵ و ئەسێستی هەبوو.
هەرچی یاریزانە کۆریاییەکەیە، لە هاوتیمە پۆرتوگالیەکەی کەمتر بەشداری پێکرا. کانگ ئین لی کە لە پێگەی ناوەراستی هێرشبەری یاریی دەکات، لە 10 یاریی چامپیۆنزلیگ و 27ی خولی فەڕەنسی بەشداریی پێکرا.
رۆمانۆ ئاشکرایکردووە کە چەند مانگێک بەرلە ئێستا ئاتلێتیکۆ مەدرید پرسیاری هەردوو یاریزانەکەی کردووە.
🚨👋🏼 Kang-in Lee and Gonçalo Ramos plan to leave Paris Saint-Germain in order to get more game time.
Atlético Madrid asked for both already months ago, more options expected to follow.
Chevalier situation also one to watch.
🎥 https://t.co/lDDfEjojtT pic.twitter.com/z3NcUD69A5
— Fabrizio Romano (@FabrizioRomano) June 1, 2026
