یاریگا –
لە كۆتا یاریی ئەمڕۆی خولی ئیسپانیا جیڕۆنا لە یاریگای خۆیدا میوانداری ریال مەدرید دەكات.
وا بڕیارە ئەمڕۆ یەكشەممە كاتژمێر 23:00 بە كاتی هەولێر جیڕۆنا لە یاریگای تایبەت بە خۆی میوانداری ریال مەدرید بكات، لە میانی یارییەكانی گەڕی چواردەیەمی لالیگای ئیسپانیا.
پڕۆفایلی یاریی
ریال مەدرید لە كۆتا دوو یاریی لالیگا بەرامبەر یانەكانی رایۆ ڤاییكانۆ و ئێڵچێ نەیتوانیوە بردنەوە بەدەستبهێنێت و هەردوو یارییەكەی بە یەكسان بوون كۆتاییهاتووە.
لەم وەرزەی لالیگادا لە كۆی 13 یاریی 10 یاریی بردووەتەوە دوو یاریی یەكسان بووە و یەک یارییش دۆڕاوە.
بە كۆكردنەوەی 32 خاڵ لە ریزبەندی دووەمی لالیگا دێت.
لە بەرامبەردا جیڕۆنا لەم وەرزەدا ئاستێكی خراپ پێشكەش دەكات و لە ناوچەی دابەزیندایە.
لەم وەرزەی لالیگادا لە كۆی سیازدە یاریی تەنیا دوو یاریی بردووەتەوە پێنج یاریی یەكسان بووە و شەش یارییش دۆڕاوە.
بە كۆكردنەوەی 11 خاڵ لە ریزبەندی 18 لالیگا دێت.
هەواڵی پێكانی یاریزانەكان
جیڕۆنا بە بێ دالی بلیند، پۆرتۆ، لیمار، ڤان دی بیک، كارلۆس، فرانسیس و لۆپێز رووبەڕووی ریال مەدرید دەبێتەوە
ریال مەدرید بە بێ دین هاوسن، ئاسێنسیۆ، دانی كارڤاخال و ئالابا رووبەڕووی جیڕۆنا دەبێتەوە.
پێكهاتەی پێشبینیكراوی جیڕۆنا
گازانیا
مارتینێز، رێیس، رینكۆن، مۆرینۆ
سۆلیس، ویتسێل، مارتن، ئۆناحی
ڤانۆت، جیڵ
پێكهاتەی پێشبینیكراوی ریال مەدرید
كۆرتوا
ترێنت ئارنۆڵد ،میلیتاو، كارێراس، مێندی
ڤاڵڤێردی، چوامێنی، گولەر
بێڵینگهام
ئێمباپێ، ڤینیسیۆس
