وادەی گەڕانەوەی پێدری بۆ یاریگاكان راگەیەندرا

یاریگا –

وادەی گەڕانەوەی پێدری، ئەستێرەی ئیسپانی یانەی بارسێلۆنا بۆ یاریگاكان ئاشكرا كرا.

سەرچاوەكانی ئیسپانیا ئاشكرایانكرد، پێدری ئەستێرەی یانەی بارسێلۆنا بە قۆناخی چاكبوونەوەی لە پێكانەكەی گەشبینە.

پێدری بەرەوپێشچوونی بەرچاوی لە چاكبوونەوەی بەخۆیەوە دەبینێت و بەمەش هیوای زوو گەڕانەوەی بۆ یارییەكانی بارسێلۆنا پێدەبەخشێت.

❗𝗜𝗡𝗝𝗨𝗥𝗬 𝗡𝗘𝗪𝗦

First team player Pedri has suffered a tear in the distal biceps femoris muscle in his left thigh.
The player’s recovery will dictate his return to action. pic.twitter.com/36sw9sJL8z

— FC Barcelona (@FCBarcelona) October 29, 2025

بە گوێرەی زانیارییەكانی رادیۆی كاتالونیا، كەسە نزیكەكانی پێدری بە چاكبوونەوەی پێدری گەشبینن و پێیان وایە لە چەند رۆژی داهاتوودا دەگەڕێتەوە راهێنانە بەكۆمەڵەكانی بارسێلۆنا.

ئاماژە بەوەشكراوە، یاریزانە 22 ساڵانەكە ناتوانێت بەشداری یاریی داهاتووی بارسێلۆنا لە لالیگا بەرامبەر ئاتلێتیک بیلباو بكات.

بەڵام ناوەڕاستكارە ئیسپانییەكە دەتوانێت بۆ یاریی بەرامبەر چێڵسی لە خولی یانە پاڵەوانەكانی ئەوروپا بگەڕێتەوە.