ڤێری: ڕۆناڵدۆ باشترینە، دیاردە نەك كریستیانۆ

یاریگا: كریستیان ڤێری، ئەستێرەی تۆپی پێی ئیتاڵیا و یانەی ئینتەر پێی وایە كەوا ڕۆناڵدۆی بەڕازیلی زۆر باشترە لە ڕۆناڵدۆی پورتوگالی.

سەبارەت بە بەراوردكردنی دوو ڕۆناڵدۆكە ڤێری ووتی: هەردووكیان زۆریان پێشكەشی تۆپی پێ كردووە،بەلام من بەڕازیلیەكە هەلدەبژێرم.

هەروەها ووتیشی: ڕۆناڵدۆی بەڕازیلی شتانێكی ئەنجام دەدا كە باوەڕ پێنەكراو بوو ئەو وەك ئامێرێكی گۆڵ تۆمار كردن وابوو.

بەردەوام بوو ووتیشی: من هاوڕێی ڕۆناڵدۆ بووم، بە چانس بووم كە لە تەنیشتی یاریم كردووە، هەموو شتێكی تێدا بوو وەك خێرای لێهاتووی هێز، هەروەك سەماكەرێك سەمای لەگەل تۆپەكە دەكرد.

لە كۆتایشدا ووتی: كریستیانۆ وەك ئامێرێكی جەنگی بكوژە، ئەو نایابە بە هەموو مانایەك سەرەڕای زۆری تەمەنی بەڵام ئەو دەتوانێت تا تەمەنی چل سالی بەردەوام بێت لەو ئاستە بەرزەی.