ئینگلتەرابازاڕی گواستنه‌وه‌گرنگترین

ئێستا؛ چارەنووسی ئەستێرەیەکی ناودار یەکلاییدەبێتەوە

ئۆفەرەکە قبووڵکرا..

Yariga App

یاریگا –

چارەنووسی ئانتۆنی، هێرشبەری بەڕازیلی یەکلاییدەبێتەوە و بۆ هەمیشە ئۆڵدترافۆرد جێدەهێڵێت.

تۆڕی سکای سپۆرتس بڵاویکردووەتەوە، مانچێستەر یونایتد ئۆفەرەکەی ریال بێتیسی بۆ گواستنەوەی ئانتۆنی بەشێوەی هەمیشەیی قبووڵ کرد و رووناکی سەوزی بۆ ئەستێرە بەڕازیلییەکە هەڵکردووە تاوەکو گەشتی ئیسپانیا بکات.

هەمان سەرچاوە ئاماژەی بەوەش کردووە، ئێستا گواستنەوەکە تەنیا لەسەر رێککەوتنی یاریزانەکە و ریال بێتیس لەسەر مەرجە کەسییەکان ماوەتەوە و هەردوولا گفتوگۆ لەسەر مەرجەکان دەکەن.

ئانتۆنی لە هاوینی 2022 بەبڕی 95 ملیۆن یۆرۆ لە ئایاکسی هۆڵەندییەوە پەیوەندی بە مانچێستەر یونایتد کرد، بەڵام لەگەڵ شەیتانە سوورەکان ئاستی راستەقینەی خۆی پێشکەش نەکردووە و لە 96 یاریی تەنیا 12 گۆڵ و پێنج ئەسیستی کردووە.

هێرشبەرە بەڕازیلییەکە لە زستانی رابردوو بەشێوەی خواستن پەیوەندی بە ریال بێتیس کرد، لەگەڵ یانە ئیسپانییەکە ئاستی بەرزبووەوە و لە 26 یاریی 9 گۆڵی کرد و 5 گۆڵی دروستکرد، بۆیەکەمجار یانەکەی گەیاندە یاریی کۆتایی کۆنفڕانسلیگ بەڵام نازناوەکەیان بەدەستنەهێنا و 4-1 بەچێڵسی دۆڕان.

ئانتۆنی خۆشەویستییەکی زۆری بۆ ریال بێتیس هەیە، هەر بەگوێرەی زانیارییەکانی سکای سپۆرتس، لەم هاوینە ئۆفەری چەند یانەیەکی رەتکردووەتەوە و تەنیا دەیەوێت بگەڕێتەوە ریال بێتیس.

تەواو؛ چارەنووسی ئانتۆنی یەکلاییدەبێتەوە

 

بابەتی زیاتر

Back to top button