تەواو؛ ریال مەدرید گرێبەستی ئەستێرەیەک نوێدەکاتەوە
درێسە ئەفسانەییەکە دەپۆشێت..
یاریگا –
ریال مەدرید گرێبەستی گۆنزالۆ گارسیا، هێرشبەری لاوی ئیسپانی نوێدەکاتەوە.
رۆژنامەنووسی باوەڕپێکراو فابریزۆ رۆمانۆ بڵاویکردووەتەوە، ریال مەدرید چالاکانە گفتوگۆی نوێکردنەوەی گرێبەستەکەی گۆنزالۆ گارسیا، هێرشبەری تەمەن 21 ساڵان دەکات و دەیەوێت بەزووترین کات واژۆ لەسەر گرێبەستە نوێیەکە بکرێت.
گۆنزالۆ تاوەکو هاوینی 2027 گرێبەستی لەگەڵ ریال مەدرید هەیە، بەهای ئێستای لە بۆڕسەی یاریزانان هەشت ملیۆن یۆرۆیە.
ریال مەدرید لە مانگی تەمووزەوە بڕیاری لەسەر نوێکردنەوەی گرێبەستەکەی هێرشبەرە ئیسپانییەکە داوە، ئەمەش دوای ئەوەی یاریزانەکە لە جامی جیهانی یانەکان ئاستێکی بەرزی پێشکەشکرد و بووە گۆڵکاری پاڵەوانێتییەکە.
🚨 Real Madrid are in active talks over new deal for Gonzalo García.
Decision made in July about plan for striker to stay after excellent Club World Cup as top scorer.
New contract expected to be done as Gonzalo wants to stay… and wear legendary #9 shirt. pic.twitter.com/LecqxsvSUZ
— Fabrizio Romano (@FabrizioRomano) August 7, 2025
بۆیە بەمزووانە ریال مەدرید گرێبەستەکەی نوێدەکاتەوە، گۆنزالۆش دەیەوێت لە مێرێنگی بمێنێتەوە و بۆ پۆشینی درێسی ژمارر 9ـی ئەفسانەیی یانەکە بەپەرۆشە.
گۆنزالۆ گارسیا لە ئەکادیمیای ریال مەدرید پێگەیشتووە، بە درێسی تیپی یەکەم بەشداریی 12 یاریی کردووە، 5 گۆڵی کردووە و دوو گۆڵی دروستکردووە.
نازناوێکی چامپیۆنزلیگ و نازناوێکی لالیگای لەگەڵ ریال مەدرید بەدەستهێناوە.
