تەواو؛ یەکەم گرێبەستی ئەم هاوینەی لیڤەرپوول ئاشکرابوو
یاریگا –
فریمپۆنگ لەسەر بەندە کەسییەکانی لەگەڵ لیڤەرپوول گەیشتووەتە رێککەوتن، هەنگاوێک لە پەیوەندیکردنی بە رێدز دوورە.
فلۆریان پلێتینبێرگ رۆژنامەنووسی بەناوبانگی ئەڵمانی لە کەناڵی سکای سپۆرتس ئاشکرایکردووە، جێرێمی فریمپۆنگ بەرگریکاری بایەر لیڤەرکوزن لەگەڵ لیڤەرپوول لەسەر بەندە کەسییەکانی هاوڕایە و چەند وردەکارییەکی کەم ماون، بۆ ئەوەی هەردوولا لەسەری بگەنە رێککەوتن.
🚨🔴 Jeremie #Frimpong and Liverpool are on the verge of reaching a verbal agreement. Talks are progressing, with additional details still being clarified. #LFC
Frimpong is ready for the move to Liverpool – also because Arne Slot is very keen to sign him.
It’s looking good,… pic.twitter.com/401Fssr8Nh
— Florian Plettenberg (@Plettigoal) May 15, 2025
پلێتینبێرگ رایگەیاندووە، فریمپۆنگ ئامادەیە بچێتە ریزەکانی لیڤەرپوول، چونکە ئارنە سلۆت راهێنەری لیڤەرپوول چاوی لەسەر ئەو بەرگریکارە راستەیە و دەیەوێت ئەم هاوینە بیگوازێتەوە بۆ ئەوەی لە ئانفێڵد شوێنی ئالێکساندەر ئارنۆڵد بگرێتەوە.
بەگوێرەی زانیارییەکانی رۆژنامەنووسە ئەڵمانییەکە، نرخی هەڵوەشاندنەوەی گرێبەستی فریمپۆنگ لەگەڵ لیڤەرکوزن 35 بۆ 40 ملیۆن یۆرۆیە.
🚨 Liverpool advancing in talks to sign Jeremie Frimpong from Bayer Leverkusen – increasing confidence from Dutch int’l camp deal will be struck. 24yo #Bayer04 right-back keen on move so personal terms no issue. ~€35m clause appeals to #LFC @TheAthleticFC https://t.co/9fBYE5O8NL
— David Ornstein (@David_Ornstein) May 15, 2025
دەیڤد ئۆرنشتاین رۆژنامەنووسی بەریتانی لە تۆڕی وەرزشی ئاتلەتیک رایگەیاندووە، فریمپۆنگ لەسەر بەندە کەسییەکانی لەگەڵ لیڤەرپوول کێشەی نییە و چاوی لەوەیە بچێتە ریزەکانی رێدز، بەرگریکارە 24 ساڵانەکە لە گفتوگۆیەکانی زۆر بەرەو پێشەوە چووە و نزیکە ببێتە یەکەم گرێبەستی ئەم هاوینەی لیڤەرپوول.
