یاریگا –
ئێنزا مارێسکا دوای شکستەکەیان بەرامبەر ئاستۆن ڤیلا ناچاربووە کۆبوونەوەیەکی جیاواز لەگەڵ یاریزانەکان و سەرجەم ئەندامانی چێڵسی بکات تەنانەت بە تاقمی چێشتلێنەریشەوە.
بلووز بە هیوای بردنەوەی سێ خاڵی یارییەکە و گەڕانەوە بۆ پلەی چوارەم بووە بە میوانی ڤیێلا، بەڵام 2-1 یاریی بە خاوەن ماڵ دۆڕاند و نەهامەتییەکانی بلووزی قووڵترکردەوە.
دوای یارییەکە، راهێنەرە ئیتاڵییەکە بۆ زیاتر هاندانی یاریزانەکان وتی
کۆبوونەوەیەکم بە سەرجەم ئەندامانی یانەکە کرد. ستافی چێشتخانە، پاککەرەوەکان، ستافی ئامادەکردنی پۆشاک و هەرهەموو ئەوانیتر لە باڵەخانەی یانەکە.
داوام لە هەمووان کرد کە تا کۆتایی فشار بکەن چونکە ئامانجی ئێمە گەڕاندنەوەی ئەم یانەیەبوو بۆ چامپیۆنزلیگ.
ئەوانەی ناو چێشتخانە زۆر بەباشیی ژەمی بەیانیان ئامادەدەکەن. بەڵام یاریزانەکان ئەوە نابینن. منیش هەوڵمدا باوەڕیان پێبهێنم کە ئەوەی ئامادەدەکرێت کارکردنی سەختی لەپشتەوەیە. بۆیە ئێمەیش دەبێ فشار زیاتربکەین بۆ ئەوەی بگەین بە ئامانجەکەمان.
بەو شکستە، بلووز بە کۆکردنەوەی 43 خاڵ لە پلەی شەشەم دێت بە جیاوازیی خاڵێک لە مانچێستەر سیتی پلەی چوارەمەوە. یارییەک کەمتر بۆ سیتیزنس کە ئەمڕۆ میوانداریی لیڤەرپوولی پێشەنگ دەکات.
🔵 Enzo Maresca: “I prepared a meeting with all the people. The kitchen staff, groundsmen, kit men, everyone inside the building”.
“I asked them to push until the end because our target was to bring this club back into the Champions League”.
“The kitchen people prepare… pic.twitter.com/F1eXm4BpVW
— Fabrizio Romano (@FabrizioRomano) February 22, 2025
