یاریگا –
بەشێوەیەی فەرمی جولیان ناگلیسمان گرێبەستەکەی لەگەڵ هەڵبژاردەی ئەڵمانیا تاوەکە 2028 نوێکردەوە.
ماڵپەڕی فەرمی هەڵبژاردەی ئەڵمانیا بڵاویکردووەتەوە، بەشێوەیەکی فەرمی لەگەڵ جولیان ناگلیسمان گەیشتوونەتە رێککەوتن و گرێبەستی راهێنەرە لاوەکەیان تاوەکو دوای یارییەکانی جامی نەتەوەکانی ئەوروپای 2028 نوێکردووەتەوە.
2️⃣0️⃣2️⃣8️⃣ – Unser Bundestrainer Julian Nagelsmann hat seinen Vertrag vorzeitig bis 2028 verlängert! 🖤❤️💛
➡️ https://t.co/R9CGwamL5l#dfbteam | 📸 DFB/Philipp Reinhard pic.twitter.com/rLEZeLKAiC
— DFB-Team (@DFB_Team) January 24, 2025
لە کۆتاییەکانی مانگی سێپتێمبەری ساڵی 2023 جولیان وەک راهێنەری نوێی ئەڵمانیا دەستبەکاربوو، بۆ ماوەی 10 مانگ گرێبەستی لەگەڵ مانشافت واژۆ کرد.
حەوت مانگ دوای وەرگتنی پۆستەکە و لە مانگی 4ـی 2024 هەڵبژاردەی ئەڵمانیا بەشێوەیەکی فەرمی گرێبەستی راهێنەرە لاوەکەی تاوەکو هاوینی 2026 نوێکردەوە.
ئەمڕۆش بۆ دووەم جار لە ماوەی کەمتر لە ساڵێکدا مانشافت گرێبەستی جولیان نوێدەکاتەوە و تاوەکو هاوینی 2028 لەگەڵ هەڵبژاردەکە بەردەوامدەبێت.
راهێنەرە 37 ساڵآنییەکە لە 19 یاریی سەرپەرشتی مانشافتی کردووە. 11 یاریی بردووەتەوە، 5 یاریی یەکسانبووە و لە 3 یارییش تووشی شکست بووە.
