فەرمی؛ مانچێستەر سیتی بەرگریکارێکی بەڕازیلی گواستەوە
شۆڕشی مانچێستەر سیتی بەردەوامە
یاریگا –
مانچێستەر سیتی بەرگریکارێکی بەڕازیلی گواستەوە.
مان سیتی لە سەرەتای مێرکاتۆی ئەم زستانەدا، گفتوگۆکانی لەگەڵ ڤیتۆر رێیس، بەرگریکاری پالمێراس دەستپێکردبوو و لە کۆتاییدا گواستیەوە.
مانچێستەر سیتی رێیسی بەبڕی 29.4 ملیۆن پاوەند گواستووەتەوە، رێیێس دەبێتە دووەم گرێبەستی فەرمی پێپ گواردیۆلا مێرکاتۆی ئەم زستانە، دوای گواستنەوەی عەبدولقادر خوسانۆڤ، لە لانسی فەڕەنسییەوە.
رێیێس، یاریزانی هەڵبژاردەی ژێر 17 ساڵانی بەڕازیلە، بەرهەمی پالمێراسە و تاوەکو ئێستا 18 یاریی لەگەڵ یانە بەڕازیلییەکە کردووە.
Our new Brazilian 🇧🇷🩵 pic.twitter.com/n1c7Ohc7iO
— Manchester City (@ManCity) January 21, 2025
تۆڕی هەواڵی سکای سپۆرتس بڵاویکردووەتەوە، مانچێستەر سیتی دوای ململانێیەکی زۆر لەگەڵ برایتن، گرێبەستەکەی لە بەرژەوەندی خۆی تەواوکرد و یاریزانە 19 ساڵییەکەی گواستەوە ریزەکانی.
پالمێراس لە ماوەی 18 مانگی رابردوودا، پارەیەکی زۆری لە گواستنەوەی یاریزاناندا قازانج کردووە. لەو ماوەیەدا دەستبەرداری هەریەکە لە ئێندریک بۆ ریال مەدرید و ویلیان ئێستێڤاو بۆ چێڵسی و ئێستاش رێیس بۆ مان سیتی بوو.
