بژاردەی سێیەم؛ ئەگەر ریال مەدرید لە گواستنەوە ڤاردیۆل و کالافیۆری سەرکەوتوو نەبێت بژاردەیەکی دیکە هەیە

یاریگا –

نیکۆ شلۆتێربێک جارێکی دیکە بە ریال مەدریدەوە دەبەسرێتەوە و یاریزانەکە خۆی دەڵێت کە ئەو ئێستا تەنیا سەرنجی لەسەر مۆندیالە.

جۆزێ مۆرینیۆ زیاتری دەوێت. راهێنەرە پۆرتوگالییەکە بە مەبەستێکی روونەوە گەیشتووە کە بریتییە لە بەهێزکردنی پێکهاتەی تیمەکە و گەڕاندنەوەی ریال مەدرید بۆ شەڕی نازناوە گەورەکان. هێشتا فەرمی نییە، بەڵام چاوەڕوان دەکرێت کۆناتێ، دومفریس و بێرناردۆ سیلڤا لە چەند رۆژی داهاتوودا پەیوەندی بە یانەکەوە بکەن ئەگەر لە کۆتا ساتدا هیچ شتێک نەگۆڕێت.

سەرەڕای گەیشتنی بەرگریکارانی وەکوو کۆناتێ و دومفریس، رۆژنامەی ئاس، پێشتر بڵاویکردووەتەوە کە مۆرینیۆ بەرگریکارێکی دیکەی دەوێت کە بتوانێت هەم وەکوو دڵی و هەم وەکوو بەرگریکاری باڵ یاری بکات. ڤاردیۆل و کالافیۆری دڵخوازی هەم راهێنەر و هەم یانەکەن، بەڵام لیستی بژاردەکان فراوانتر دەبێت ئەگەر نەتوانرێت گرێبەست لەگەڵ هیچ کام لە یاریزانەکان لە مانچێستەر سیتی و ئارسیناڵەوە واژۆ بکرێت.

بەگوێرەی راپۆرتەکانی ئەڵمانیا، بە تایبەتی لە سکای سپۆرتەوە، ریال مەدرید شلۆتێربێکی فەرامۆش نەکردووە. یانەکە بۆ ماوەیەکە چاودێریی دەکات و وەکوو بژاردەی سێیەم لە لیستە کورتەکەیان دادەنرێت.