“لە تەواوی ریاڵ مەدرید تەنها پێرێز ئێمباپێی دەویست”
دۆخی کیلیان ئێمباپێ لە مەدرید لە خراپەوە بەرەو خراپتر دەڕوات و ئێستاش دەوترێت ئێمباپێ لەلایەن ستافی تەکنیکی و راهێنەرایەتی مەدریدەوە خوازراو نەبووە و بە زۆری فلۆرەنتینۆ پێرێز گوێزراوەتەوە.
ماوەی شەش ساڵ فلۆرەنتینۆ پێرێز هەوڵی گواستنەوەی کیلیان ئێمباپێی دا، تاوەکو هاوینی ئەمساڵ خەونەکەی هاتە دی. بەڵام ئەو خەونە خەریکە دەبێتە مۆتەکە و ئێمباپێ لەوپەڕی خراپیدایە لە مەدرید.
رەخنەکان دژی ئاستی ئەو یاریزانە شەوی رابردوو گەیشتنە لوتکە پاش ئاستە ئابڕووبەرەکەی بەرامبەر لیڤەرپوول. رۆژنامەنووسی ئیسپانی رۆماین مۆلینا کە بۆ بی بی سی، سی ئێن ئێن و نیویۆرک تایمز دەنوسێت ئەمڕۆ لە تۆڕی ئێکس نوسیوییەتی
جیاواز لە 2022، ئەمجارەیان کەس لەگەڵ گواستنەوەی ئێمباپێ نەبوو، جگە لە فلۆرەنتینۆ پێرێز کە گوێی لە کەس نەگرت. ئێستاش بەختێکی باش بۆ مەدرید و رێگەیان دا هاوین مەشق نەکات، خۆ لەو شوێنەش یاری کرد کە خۆی داوای دەکرد.
Contrairement en 2022 où il y avait une unanimité au Real pour Mbappé, seul Florentino Perez le voulait cet été (il n’a voulu écouter aucun avis contraire)
Bon courage maintenant surtout vu les passe-droits comme la préparation estivale tronquée, le “je veux jouer à mon poste..”
— Romain Molina (@Romain_Molina) November 27, 2024
کیلیان لە کاتێکدا ئاستی وەک پێویست نیە، مەدرید لە تواناکانی هەریەک لە ڤینیسیوس جونیۆر و رۆدریگۆ بێ بەشە بەهۆی پێکان. هاندەرانیش تادێت زیاتر بێ هیوا دەبن لەوەی جارێکیتر ئەو ئێمباپێیە ببیننەوە کە رۆژانێک بە باشترین یاریزانی جیهان ناودەبرا.
