یاریگا –
دوای چاوپێکەوتنە مشتومڕاوییەکەی دوێنێی محەمەد سەڵاح، باس لە ئەگەری گواستنەوەی وەک یاریزانێکی ئازاد لە بارسێلۆنا کرا.
محەممەد سەڵاح، هێرشبەری تەمەن 32 ساڵی لیڤەرپوول، لەم وەرزەدا لە 18 یاری فەرمیدا 12 گۆڵ و 10 ئەسیستی کردووە. لە وەرزەکانی رابردوودا ئاستی نایابی خۆی پاراستووە یان باشتری کردووە. بەڵام یانە ئینگلیزییەکە تا ئێستا درێژکردنەوەی گرێبەستەکەی پێشکەش نەکردووە، لەکاتێکدا گرێبەستەکەی لە 30ی حوزەیران کۆتایی دێت.
دوێنێ سەڵاح ئاشکرای کرد و تەنانەت گوتی:
“من زیاتر لە دەرەوەی یانەم نەک لە ناوەوە و هیچ بەدەست من نییە”.
ئەگەری گواستنەوەی ئەستێرەیەکی لەو شێوەیە وەک یاریزانێکی ئازاد سەرنجی زۆرێک لە یانە گەورەکان رادەکێشێت. بارسێلۆناش لەم نێوەندە بێبەری نییە.
🚨🚨🌕| JUST IN: Some people at Barcelona believe that the club should try to sign Mo Salah IF he becomes a free agent next summer. @albertfc11 🇪🇬☎️ pic.twitter.com/guEiRbBOFw
— Managing Barça (@ManagingBarca) November 26, 2024
مۆندۆدیپۆرتیڤۆ ئەمڕۆ لە هەواڵێکدا نووسیویەتی، لە بارسێلۆنا هیچ هەنگاوێک بۆ نزیکبوونەوە لە سەڵاح نەنراوە، بەڵام گفتوگۆیەک لەنێوان بەڕێوەبەراندا هەیە سەبارەت بەوەی ئایا گرێبەستکردن لەگەڵ یاریزانێکی وەک سەڵاح کە بێبەرامبەر بێت، دروستە یان نا. بێگومان پێویستە گرێبەستێکی تاڕادەیەک درێژ (سێ وەرز) و مووچەیەکی یەکسان بە یاریزانانی تیپەکە کە زۆرترین مووچەیان پێدەدرێت پێشکەشی بکرێت.
بەڵام لەدەرەوەی ئەم هاوکێشە گەورەیە، نیگەرانی ئەوانەی سەلاح بە پێویست نازانن ئەوەیە کە لە لامین یامال 15 ساڵ لە ئەو بچووکترە. هەردووکیان پێی چەپن و لەسەر باڵی راست یاری دەکەن.
لە هەر حاڵەتێکدا چیرۆکی لیڤەرپوول لەگەڵ سەڵاح کە ئۆفەرێکی گەورەی لە سعودیەوە هەیە، تازە دەستی پێکردووە، سەرچاوەکانی بازاڕیش باس لەوە دەکەن کە ئۆفەرەکەی لیڤەرپوول بەم زووانە دەگاتە دەستی و سەرنجڕاکێش دەبێت. پرسیارێکی تر ئەوەیە ئایا ئەم پێشنیازە دەتوانێت سەرنجی ئەستێرە مسرییەکە رابکێشێت یان نا؟
