لیڤەرپوول و میونشن رکابەری لەسەر واژۆی ئەستێرەیەکی میسڕی دەکەن

یاریگا –

لیڤەرپوول و بایرن میونشن رکابەری لەسەر بەدەستهێنانی واژۆی عومەر مەرمووش، یاریزانی ئێنتراخت فڕانکفورت دەکەن.

مەرمووش یەکێکە لە دیارترین ناوەکانی ئێستای بۆندسلیگا و ئاستێکی بەرزی پێشکەشکردووە، بە گوێرەی راپۆرتێکی سکای سپۆرتس، میونشن گرنگی بە یاریزانی 25 ساڵان داوە و پێشبینی رکابەرییەکی توندی لەگەڵ لیڤەرپوول دەکرێت.

نرخی مەرمووش لە بازاڕەکاندا گەیشتووەتە 50 ملیۆن پاوەند و ئارنە سڵۆت پێی وایە، دەبێتە باشترین شوێنگرەوەی محەمەد سەڵاح.

ڤینسێنت کۆمپانی، راهێنەر و ماکس ئێبێرل، بەڕێوەبەری وەرزشی یانە باڤارییەکە گفتوگۆی زۆریان لەسەر ئەگەرەکانی گواستنەوەی مەرمووش کردووە، بۆیە پێشبینی چوونە نێو رکابەرییەکانی واژۆکردنی گرێبەستێک لەگەڵ مەرمووش دەکرێت.

مەرمووش لەم وەرزەدا 10 گۆڵ و شەش ئەسیستی لە بۆندسلیگا هەیە. فڕانکفورت لە پلەی سێیەمی ریزبەندی خولەکەدا دێت.