یاریگا –
ئەلێکساندەر ئارنۆڵد بەرگریکاری لیڤەرپوول، چوار ساڵ لەمەوبەر لە چاوپێکەوتنێکدا ئاشکرای کرد کە هاندەری بارسێلۆنایە.
ترێنت ئەلێکساندەر ئارنۆڵدی بەرگریکاری لیڤەرپوول کە ریال مەدرید ووەکوو شوێنگرەوەی دانی کارڤاخال کردوویەتی ئامانج، لە ساڵی 2020 رایگەیاند کە سەرسامی لیۆ مێسی، چاڤی هێرناندێز، تیێری هێنری وساموێل ئیتۆیە.
ئارنۆڵد یەکێکە لە یاریزانە بەناوبانگەکانی بەرگری راست لە جیهاندا و گرێبەستەکەی لە کۆتایی ئەم وەرزەدا لەگەڵ رێدز کۆتایی دێت. ئەستێرە ئینگلیزییەکە لەلایەن ریال مەدریدەوە چاودێری دەکرێت، بەتایبەتی دوای پێکانە سەختەکەی دانی کارڤاخال.
ریال مەدرید دەیەوێت تا مانگی یەک چاوەڕێ بکات و ئەگەر گرێبەستەکەی لەگەڵ لیڤەرپوول نوێ نەکاتەوە ئەوا هەوڵی گواستنەوەی دەدات. حاڵەتێکی هاوشێوە بۆ ئەلفۆنسۆ دەیڤز کە لە بایرن یاری دەکات و خەریکە گرێبەستەکەی تەواو دەبێت. ریال دەیەوێت لە زستاندا گواستنەوەی هەردوو یاریزانەکە بگوازێتەوە، بەڵام ئارنۆڵد پێشتر ئاشکرایکردووە کە هاندەری بارسێلۆنایە.
🗣 Trent Alexander-Arnold: “¿Equipo favorito además del Liverpool? Barça. Siento que tienen los mismos valores y estándares que el Liverpool” pic.twitter.com/Z3gCAucdDf
— Som I Serem FCB (@Somhiseremfcb) October 8, 2024
دوای بڵاوبوونەوەی هەواڵی گرنگیدانی ریال بۆ ئەلێکساندەر ئارنۆڵد، چاوپێکەوتنێکی کۆنی ئەو لە ساڵی 2020ەوە بڵاوکرایەوە کە تیایدا بەرگریکارەکەی لیڤەرپوول دەڵێت:
دوای لیڤەرپوول بارسێلۆنا دووەم تیپی دڵخوازمە.
یاریزانی هەڵبژاردەی ئینگلتەرا لە گۆڤاری جی کیو بە ئەلیستەر کامپبێل گوت:
هەست دەکەم لە بارسا هەمان بەها و فەلسەفەی لیڤەرپوولیان هەیە. حەز دەکەن یاریزان لە ئەکادیمیای لاوانی خۆیان بۆ تیپی یەکەم سەربخەن. من بە سەیرکردنی مێسی لەگەڵ ئینێستا و چاڤی و هێنری و ئیتۆ گەورە بووم.
