گوندۆگان باس لە پێكانەكەی دەكات
یاریگا –
ئێلكای گوندۆگان، ئەستێرەی هەڵبژاردەی ئەڵمانیا و یانەی بارسێلۆنای ئیسپانی باس لە بردنەوە گەورەكەیان بەرامبەر سكۆتلاند دەكات.
شەوی رابردوو ئەڵمانیا لە نێو یاریگای ئالیانز ئارێنا میوانداری سكۆتلاندی كرد و یارییەكەشی بە ئەنجامی پێنج گۆڵ بەرامبەر گۆڵێك لێ بردەوە، لە میانی یارییەكانی گەڕی یەكەمی قۆناخی كۆمەڵەكانی یۆرۆی 2024.
WAHNSINNSABEND! ❤️🔥 Gänsehaut PUR! Das werden wir so schnell nicht vergessen!#dfbteam #GERSCO #euro2024
📸 DFB/ Philipp Reinhard pic.twitter.com/i5dLc18TcU— DFB-Team (@DFB_Team) June 14, 2024
لەو یارییەدا گوندۆگان بە شێوەی سەرەكی و تا كۆتایی یارییەكە بەشداری كرد و توانی لێدانێكی سزا درووست بكات. كە بەهۆیەوە تووشی پێكانێك هات و دواتر گەڕایەوە نێو یارێگا.
لە دوای یارییەكە گوندۆگان گوتی:
ئێمە بەهێزێكی زۆرەوە لە سەرەتایی یارییەوە دەستمان پێكرد، ئامانجمان ئەوە بوو لە خولەكەكانی سەرەتا گۆڵ تۆمار بكەین و توانیمان ئەنجامی بدەین.
لە گێمی یەكەمدا یارییەكی باوەڕپێنەكراومان ئەنجامدا، ئێمە ویستمان هاوشێوەی جاران یارییەكە دەست پێبكەین، ئەمە ئەو بارودۆخ و هەست و خۆشحاڵییەیە كە پێوویستە هەمان بێت، بۆ ئەوەی لە پاڵەوانیەتی یۆرۆ دوور بڕۆین.
دەربارەی پێكانەكەی گوندۆگان گوتی:
لە كاتی یارییەكەدا تووشی پێكانێكی سووك بووم، هەموو شتێك باشە و ئەژنۆم لەوە خراپتری بەسەردا تێپەڕیوە.
رۆژی چوارشەممەی داهاتوو لە دووەم یاری خۆیاندا ئەڵمانیا رووبەرووی هەنگاریا دەبنەوە.
