یاریگا –
لە چەند کاتژمێری داهاتوو راهێنەری نوێی ئەیسی میلان رادەگەیەنرێت و پاولۆ فۆنسیکا شوێنی ستیفانۆ پیۆلی دەگرێتەوە.
فابریزیۆ رۆمانۆ رۆژنامەنووسی ئیتاڵی ئاشکرایکردووە، پاولۆ فۆنسیکا راهێنەری پۆرتوگاڵی راهێنەری پێشووی یانەی لیلی فڕەنسی بۆ ماوەی دوو ساڵ دەبێتە راهێنەری ئەیسی میلان و لە چەند کاتژمێری داهاتوو گرێبەستەکە رادەگەیەنرێت.
رۆژنامەی لاگازێتا دیلۆ سپۆرتی ئیتاڵی ئاشکرایکردووە، سبەی زڵاتان ئیبراهیمۆڤیچ بەڕێوەبەری وەرزشی یانەکە راهێنەرە نوێیەکەی یانەکەی بە میدیاکان دەناسێنێت و فۆنیسکا وەکو راهێنەری نوێی رۆسۆنێری دەتسبەکار دەبێت.
🚨🔴⚫️ AC Milan are set to confirm Paulo Fonseca as new head coach, all documents were signed last week.
His staff members will sign today then time for club announcement.
Contract until June 2026 on €2.5m initial salary with option to extend. Here we go, confirmed. pic.twitter.com/waimeweurk
— Fabrizio Romano (@FabrizioRomano) June 12, 2024
فابریزیۆ راشیگەیاندووە، هەفتەی رابردوو فۆنیسکا واژۆی لەسەر گرێبەستەکەی کردووە و ئەمڕۆ ستافەکەشی گرێبەستەکانیان واژۆ دەکەن و دواتر بەفەرمی گرێبەستەکە رادەگەیەنرێت، فۆنیسکا تا ساڵی 2026 گرێبەستەکەی واژۆ کردووە و بەگوێرەی بەندێکی گرێبەستەکەشی دەتوانێت بۆ ساڵی سێیەمیش گرێبەستەکەی درێژ بکرێتەوە کە مووچەی ساڵانەی راهێنەرە پۆرتوگاڵییەکە لە میلان 2.5 ملیۆن یۆرۆ دەبێت.
فۆنیسکا لەوەتەی ساڵی 2007 دەستی بە کاری راهێنەرایەتی کردووە و پێشتر راهێنەرایەتی یانەکانی پۆرتۆ و سپۆرتینگ براگای پۆرتوگاڵی و شاختار دۆنێتسکی ئۆکراینی و رۆمای ئیتاڵی کردووە، باشترین دەستکەوتی لەگەڵ شاختار بووە، کە سێ جار نازناوی خولی نایابی ئۆکراینا و سێ جاریش جامی ئەو وڵاتەی بەدەستهێناوە و لەگەڵ پۆرتۆش جام و سوپەری پۆرتوگاڵی بردووەتەوە.
