یاریگا –
زیاتر لە 55 هەزار هاندەری فلومینێسی لە یاریگای ماراکانا پێشوازییان لە تیاگۆ سیلڤا کرد.
فلومینێسی لە دوای بەسەرچوونی گرێبەستەکەی لەگەڵ چێڵسی، ماڵئاوایی لە تۆپی پێی ئەوروپا کرد و بڕیاری گەڕانەوەی بۆ زێدی باب و باپیرانیدا.
سیلڤا پێشتر یاری بۆ یانەکانی میلان، پاریس سانجێرمان و چێڵسی کردووە، ئێستاش گرێبەستێکی لەگەڵ فلومینێسی واژۆکردووە و لە ساتی ناساندنەکەی، زیاتر لە 55 هەزار کەس ئامادەی ماراکانا بوون.
سیلڤا درێسی ژمارە 3 دەپۆشێت، یانە بەرازیلییەکەش لەڕێگەی کۆنترین کارمەندی یانەکەوە درێسەکەی رادەستی تیاگۆ کرد.
ئەستێرەکانی وەک مارسێلۆ، فێلیپێ مێلۆ، گانسۆ، کانۆ و رێناتۆ ئوگوستۆ ئامادەی رێوڕەسمی ناساندنی سیلڤا بوون.
