وەرن بیبەن؛ چێڵسی نرخی ئێنزۆ فێرناندێز بۆ ریال مەدرید دیاریی دەکات

یاریگا –

چێڵسی نرخی ئێنزۆ فێرناندێز بۆ ریال مەدرید دەستنیشاندەکات و ئامادەیە دەستبەرداری ئەو ئەستێرە ئەرجەنتینییە ببێت.

ماریۆ کۆرتێگانا، رۆژنامەنووسی تۆڕی ئاتلێتیک بڵاویکردووەتەوە، چێڵسی ئامادەیە بە 120 ملیۆن پاوەند دەستبەرداری ئێنزۆ فێرناندێز، ناوەڕاستکاری ئەرجەنتینی ببێت و ئەگەر ئەو بڕە پارەی پێبدرێت رێگری لە رۆیشتنی ئەو یاریزانە ناکات.

ریال مەدرید دەیەوێت هەر لەم هاوینە ناوەڕاستکارێک و یاریزانێکی دیکەی دڵی بەرگری بگوازێتەوە، بۆ هێڵی ناوەڕاست ئێنزۆ بژاردەی یەکەمی مێرێنگێیە و گفتگۆکانیان بۆ گواستنەوەی دەستپێکردووە.

Enzo Fernandez is one of the options (there are more names in the shortlist as of today) being considered by Real Madrid and Mourinho to strengthen the midfield, and the player is keen on the move, as reported months ago.

Chelsea will ask for around £120m.@TheAthleticFC https://t.co/TI4yj3cmzk

— Mario Cortegana (@MarioCortegana) June 19, 2026

رۆژنامەنووسەکەی تۆڕی ئاتلێتیک ئاماژەی بەوەش کردووە، ئێنزۆ ئامادەیە پەیوەندی بە ریال مەدرید بکات و هەموو هەوڵێک دەدات بۆ ئەوەی گرێبەستەکە سەرکەوتوو بێت.

ریال مەدرید لەم هاوینە تاوەکوو ئێستا بەفەرمی گرێبەستی، بێرناردۆ سیلڤا، مارک کوکورێیا و ئیبراهیما کۆناتێی راگەیاندووە و گرێبەستی دێنزیڵ دومفریس، بەرگریکاری هۆڵەندیشی یەکلایی کردووەتەوە.