میلان پارێزگاریی لە گەوهەرەکەی دەکات
یاریگا –
یانەی ئەیسی میلان نایەوێ فرانچێسکۆ کاماردا بنێرێتە دەرەوەی یانەکەی و بڕیار لەسەر مانەوەی دراوە.
نۆڤەمبەری ساڵی رابردوو کاماردا بوو بچووکترین یاریزانی مێژووی خولی ئیتاڵی کاتێک تەمەنی هێشتا 15 ساڵ و 260 رۆژ بوو ستیفانۆ پیۆلی بەهۆی زۆری پێکانی یاریزانەوە بانگهێشتی ریزی یەکەمی رۆسۆنێری کرد و بەرانبەر فیورێنتیان هێنایە یارییەوە.
بەگوێرەی زانیارییەکانی فابریزۆ رۆمانۆ، ئەو یاریزانە لە میلان دەمێنێتەوە و گرێبەستێکی نوێی لەگەڵدا دەکرێ؛ بۆ ئەو مەبەستەیش بڕیار دراوە.
🔴⚫️⭐️ Italian talent Francesco Camarda will stay at AC Milan and sign new deal at the club, decision made.
New contacts to follow soon in order to complete the agreement and sign the contract.
Key move for Milan as youngest Serie A debutant Camarda won’t leave as free agent. pic.twitter.com/v55smZ5iRK
— Fabrizio Romano (@FabrizioRomano) May 27, 2024
کاماردا لە هێڵی هێرشبەریی یاریی دەکات و بە داهاتووی میلان دادەنرێت.
رۆمانۆ باس لەوە دەکات گرێبەستە نوێیەکە بەم زووانە ئامادە دەکرێت بۆ واژۆکردن و رێککەوتنی دوولایەنە.
دوای رۆیشتنی پیۆلی، بە ئەگەرێکی زۆرەوە فۆنسیکای راهێنەری لیل پۆستەکە وەربگرێت و ئاڵنگارییەکان لە ئەستۆ بگرێت. ئەرکە نوێیەکە بۆ فۆنسیکا بێ ئاڵنگاریی نابێت، بەتایبەت لە رووی هێرشبەرییەوە بۆ قەرەبووکردنەوەی رۆیشتنی ئۆلیڤیە ژیرو.
