ئەستێرەیەکی بایەر لیڤەرکوزن مێرکاتۆی گەرمکردووە
یاریگا –
ئەو ئاستە خەیاڵییەی لە سەرجەم خول و پاڵەوانێتیەکاندا بایەر لیڤەرکۆزن پێشکەشی کردووە، یاریزانەکانی کردووەتە ئامانجی یانە گەورەکانی ئەوروپا و لە ئێستاوە پێش ئەوەی هاوین بێت، کڕیار نۆرەی بۆ گرتوون.
جەنگاوەرەکانی چابی ئاڵۆنسۆ 50 یاریی لەسەریەکە نەدۆڕاون. نازناوی بۆندسلیگایان بردووەتەوە و چاوین لە جامی ئەڵمانیا و یۆرۆپالیگە کە لەو دووانەیش لە فیناڵن دەیانەوێ وەرزێک تۆمار بکەن، مێژووی وەرزشەکە بەخۆوەی نەبینیبێت. یەکێک لە رەگەزە دەرکەوتوو و دیارەکانی ئەو تیمەیش، جێریمی فریمپۆنگە کە ئاستێکی ناوازە پێشکەش دەکات لە باڵی راستی یاریگا.
بەگوێرەی زانیارییەکانی رۆژنامەی بیڵدی ئەڵمانی، لە ئیسپانیا یانەی ریاڵ مەدرید و، ە ئینگلتەرایش هەردوو زلهێزەکەی شاری مانچێستەر و ئارسیناڵیش چاویان لە گواستنەوەیەتی و ئامادەن بۆ پێدانی بڕە پارەی هەڵوەشاندنەوەیب گرێبەستی ئەستێرە هۆڵەندییەک.
سەرچاوە ئەڵمانییەکە باس لەوە دەکات بڕی هەڵوەشاندنەوەی گرێبەستی فریمپۆنگ 35 ملیۆن پاوەندە. ئەوەش نرخێکە هەریەک لە یانە خوازیارییەکانی دەتوانن ئاسان دابینی بکەن.
🚨 Jeremie Frimpong is leaning towards leaving Beyer Leverkusen in the summer.
Real Madrid, Manchester City, Arsenal and Manchester United are keen to take advantage of his £35m release clause.
(Source: Bild) pic.twitter.com/y3KDEr4sD0
— Transfer News Live (@DeadlineDayLive) May 15, 2024
ناوبراو تەمەنی 23 ساڵە. لەم ەرزە لە خولی ئەڵمانی لە 30 یارییدا توانیویەتی 9 گۆڵ تۆمار بکات لەگەڵ 7 ئەسیست. لە یۆرۆپالیگیش لە نۆ یارییدا سێ گۆڵی هەیە. لە جامی ئەڵمانیایش خۆی سەلماندووە لە پێنج یاریدا بەشدارتی پێنج گۆڵی کردووە. چەکێکی کاریگەری ئاڵۆنسۆیە و چاوەڕوان دەکرێت لیڤەرکۆزن بە ئاسانی دەستبەردای نەبن بەتایبەت کە وەرزی داهاتوو گرەوی چامپیۆنزلیگیان لەپێشە.
