یاریگا –
بەهۆی پێکان ئەم وەرزە بۆ سێرجی گنابری ئەڵمانی کۆتایی هات.
ماڵپەڕی فەرمی بایرن میونشن بڵاویکردووەتەوە، پاش ئەوەی لە رۆژی چوارشەممەی رابردوو لە یاری گەڕانەوەی قۆناخی پێشکۆتایی چامپیۆنزلیگ، گنابری لە خولەکی 27 بەهۆی پێکان یاریگای جێهێشت، ئەمڕۆ دەرکەوت پێکانەکەی سەختە.
یانە باڤارییەکە ئاماژەی بەوە کردووە، ئەمڕۆ پشکنینی پزیشکی بۆ ئەستێرە ئەڵمانییەکە کراوە، دەرکەوتووە لە ماسولکەی رانی چەپی تووشی پێکان بووە، بەو هۆیە ئەم وەرزە بۆ یاریزانەکە کۆتایی هاتووە.
ℹ️ Serge Gnabry will miss the remainder of the season after suffering a hamstring injury.
Speedy recovery, Serge! 🙏
— FC Bayern Munich (@FCBayernEN) May 10, 2024
پێشبینی دەکرێت گنابری بۆ ماوەی 6 هەفتە لە یاریکردن دووربکەوێتەوە، تا قۆناخی شازدەی جامی نەتەوەکانی ئەوروپا بۆ یاریکردن ئامادە نابێت، بەو هۆیەش بەدوور دەزاندرێت، جولیان ناگلیسمانی راهێنەری هەڵبژاردەی ئەڵمانیا، یاریزانەکە بانگهێشت بکات.
لە بەرواری 14/6 بە یاری نێوان ئەڵمانیا و سکۆتلەندا، جامی نەتەوەکانی ئەوروپای 2024 دەستپێدەکات، بەهۆی بەشداری نەکردنی گنابریش گورزێکی کوشندە بەر مانشافت دەکەوێت.
Serge Gnabry's time-off is estimated at around 6 weeks. That means he wouldn't be ready until the round of 16 of the Euros. Therefore, it's unlikely that Nagelsmann will take him to the tournament [@BILD] pic.twitter.com/G6DRGjVWYq
— Bayern & Germany (@iMiaSanMia) May 10, 2024
