ئارسیناڵ و بارسێلۆنا نیکۆ ویلیامسییان کردووەتە ئامانج
یاریگا –
ئارسیناڵ و بارسێلۆنا، نیکۆڵاس ویلیامسی ئیسپانی و یاریزانی ئاتلێتیک بلباوییان کردووەتە ئامانج.
سەرەڕای ئەوەی بلباو لە گرێبەستی نیکۆی تا هاوینی 2027 نوێکردووەتەوە، بەڵام دەزانێت هێشتا زۆرێک لە یانە گەورەکانی ئەوروپا چاویان لەسەر یاریزانەکەیە.
ویلیامس بەردەوام خواستی خۆی بۆ مانەوەی لە یانە باسکییەکە راگەیاندووە، یانەکەش دەیەوێت پارێزگاری لە تواناکانی بکات، بەڵام ئەگەر ئۆفەرێکی گەورە بخرێتە سەر مێزی بلباو، رەنگە هاوکێشەکە بگۆڕێت.
🚨Arsenal are still considering a summer move for Athletic Club star Nico Williams (@caughtoffside) pic.twitter.com/EUinSfcFfo
— Football España (@footballespana_) March 26, 2024
جیا لە یانە گەورەکانی ئیسپانیا، یانەکانی پرێمەرلیگ بەردەوام چاودێری یاریزانە تەمەن 21 ساڵانییەکە دەکەن، ئارسیناڵی لەندەنیش نزیکترین یانەی ئینگڵتەڕایە لە یاریزانەکە.
رۆژنامەنووسی نزیک لە یانەی ئارسیناڵ چارڵز واتس، لە لێدوانێکی بۆ ماڵپەڕی Caughtoffside، ئاشکرایکرد، کە گەنەرز لە هاوینی داهاتوو خۆی بۆ گواستنەوەی هێرشبەرە ئیسپانییەکە ئامادە دەکات.
بەپێی زانیارییەکانی چارڵز، ناوی نیکۆ لە سەرەوەی لیستی ئەو یاریزانانەیە کە ئارسیناڵ دەیەوێت گرێبەستیان لەگەڵ واژۆ بکات و یاریزانەکە ئامانجی سەرەکی میکێل ئارتێتایە.
بەڵام گرفتی سەرەکی ئارسیناڵ یانەی بارسێلۆنا دەبێت، بەپێی زانیارییەکانی رۆژنامەی سپۆرت، یانە کاتالۆنییەکەش خۆی بۆ گواستنەوەی ئەو یاریزانە ئامادە دەکات.
یاریزانەکە پەیوەندییەکەی پتەوەی لەگەڵ باڵدی، کوبارسی و لامین یامال هەیە، بارسا دەزانێت نیکۆ بەپەرۆشە درێسی یانەکەیان بپۆشێت، بەڵام ئەو راستییەش دەزانێت کە یاریزانەکە لە بلباو دڵخۆشە و نایەوێت پەیوەندی لەگەڵ یانەکەی تێکبدات.
بارسێلۆنا درکی بەوەش کردووە، نیکۆ لە رێگەی هاوڕێکانی لە بارسا، بەتایبەت لامین یامال، خەریکی خۆ خۆشەویستکردنە، بۆیە ئەگەر بتوانن بڕە پارەی گواستنەوەی ئامادە بکەن، ئەوا کار بۆ بەدیهێنانی خەونەکەیان دەکەن.
نرخی ئێستای ویلیامس لە بازاڕی گواستنەوە 50 ملیۆن پاوەندە، بەڵام پێشبینی دەکرێت، بلباو ئامادە نەبێت بە کەمتر لە 60 ملیۆن یۆرۆ دەستبەرداری ببێت.
ویلیامز لە ئەکادیمیای بلباو پێگەیشتووە، لەم وەرزە لە 29 یاری 6 گۆڵی بۆ یانەکەی کردووە و 13 گۆڵیشی درووستکردووە.
𝐍𝐨𝐭𝐢𝐜𝐢𝐚 𝐒𝐏𝐎𝐑𝐓 🔴
🧐 El Barça no se olvida de un Nico Williams que se deja querer
✍️ @tjuanmarti https://t.co/UN2NGv0HWx
— Diario SPORT (@sport) March 27, 2024
