یاریزانێك رەتیدەكاتەوە پەیوەندی بە ئینتەر مەیامیەوە بكات
یاریگا –
راپۆرتە رۆژنامەوانیەكان ئاشكرایانكرد لیۆنێل مێسی ئەفسانەی هەڵبژاردەی ئەرجەنتین و یانەی ئینتەر مەیامی ئەمریكی خواستی خۆی بۆ گواستنەوەی یاریزانێكی هاونیشتیمانی بۆ یانەكەیان دەربڕی.
لە گواستنەوەكانی هاوینی رابردوودا لیۆنێل مێسی لە دوای كۆتاییهاتنی گرێبەستەكەی لەگەڵ پاریس سانجێرمان، پەیوەندی بە ئینتەر مەیامیەوە كرد.
🚨🇦🇷 LIONEL MESSI llamó a MARCOS ROJO para tentarlo a que se una al Inter Miami en 2024.
vía @HernanSCastillo pic.twitter.com/0nUkDI2Hrw
— JS (@juegosimple__) December 26, 2023
بەپێی زانیارییەكانی رۆژنامەی مۆندۆ دیپۆرتیڤۆ، مێسی دەیەوێت ئینتەر مەیامی گرێبەست لەگەڵ مارکۆس رۆخۆی ئەرجەنتینی، یاریزانی بۆکا جۆنیۆرز واژۆ بکات.
بەپێی زانیارییەكانی هەمان سەرچاوە، رۆخۆ پەیوەندییەکی لە تاتا مارتینۆ راهێنەری یانەی ئینتەر مەیامی پێگەیشتبوو، بەڵام وا دیار بوو مارکۆس نایەوێت لە ویلایەتە یەکگرتووەکانی ئەمریکا یاری بکات.
لە راپۆرتەكەی مۆندۆشدا هاتووە، رۆخۆ بە ئیدارەی یانەكەی راگەیاندووە كە دەیەوێت ماوەی گرێبەستەكەی لەگەڵ یانەكەی تەواو بكات.
گرێبەستەكەی رۆخۆ لەگەڵ بۆكا جونیۆرز لە هاوینی ساڵی 2025 بەسەردەچێت.
