یاریگا –
بازرگانی بەناوبانگ پاتریك پیت دەیڤد ئاشكرایكرد كۆشكەكەی لە ناوچەی فۆرت لۆدەردەیل لە باشووری مەیامی لە ویلایەتی فلۆریدای ئەمریكا، لە دوای پەیوەندیكردنی لیۆنێل مێسی بە یانەی ئینتەر مەیامیەوە نرخەكەی زیاتر لە 25 ملیۆن دۆلار بەرزبووەتەوە.
بەپێی زانیارییەكانی رۆژنامەی دەیڵی مەیڵ لیۆنێل مێسی قۆناخی یەكەمی لە ئینتەر مەیامی بەسەربرد دوای ئەوەی رووی لەو یانەیە كرد بە گرێبەستێك بۆ ماوەی دوو ساڵ و نیو، لەو شوقەیەی كە خاوەندارێتی دەكات بۆ ماوەیەكی كەم لە كەنار دەریاوە دوور بوو بەڵام لە مانگی ئەیلوولی رابردوودا بڕیاریدا ڤێلایەك بە بری 10.75 ملیۆن دۆلار بكڕێت.
Lionel Messi moved in next to me – my house is now worth $25MILLION more than it was before 😱
https://t.co/G4Sye5IcG7— Mail Sport (@MailSport) December 24, 2023
رۆژنامەكە روونیشیكردووەتەوە، كاریگەریەكانی مێسی تەنیا لە نێو یاریگادا نەبوو، بەڵكو دراوسێكانیشی سوود مەند بوون.
خانووە نوێیەکەی مێسی پێکهاتووە لە 10 ژووری نوستن و دوو ژووری دانیشتن و مەلەوانگە، دەکەوێتە ناوچەیەك کە خەڵکی دەوڵەمەند تێیدا نیشتەجێن و 15 خولەك لە یاریگای ئینتەر مەیامیەوە دوورە.
پیت دەیڤد، دراوسێی مێسی، لە چاوپێکەوتنێکدا لەگەڵ “ڤلاد تیڤی” و لە راپۆرتێکی دەیڵی مەیڵ دا رایگەیاند: بەپێی بازاڕ لە دوای هاتنی مێسی نرخی خانووەكەم 25 ملیۆن دۆلار بەرزبووەتەوە، هەمووان دەیانەوێت لە گەڕەكەكەی لیۆنێل مێسی بژین، ناوچەیەکە دەکەوێتە سەر دوورگەیەك، و تەنها یەك رێگە هەیە بۆ گەیشتن پێی.
ئاماژەی بەوەشكرد، لەو کاتەوەی مێسی لە ماڵە نوێیەکەیدا دەژی، هەمووان بە بەلەم دەهاتن بۆ بینینی خانووەکان.
لیۆنێل مێسی لەگەڵ ئینتەر مەیامی 14 یاری كردووە و توانیویەتی 11 گۆڵ بكات و 5 گۆڵیش درووست بكات.
