یاریگا –
ڤیکتۆر ئۆسیمین و ئاسیسات ئۆشۆوالا، هەردوو ئەستێرەی نایجێری خەڵاتی باشترینەکانی کیشوەری ئەفریقایان بردەوە.
لە مەراسیمێکی گەورەدا کە لە مەڕاکش، مەغریب بەڕێوەچوو. ئۆسیمین، هێرشبەری ناپۆلی و گۆڵکاری وەرزی رابردووی سێریا ئەی، خەڵاتی باشترین یاریزانی ئەفریقای بۆ ساڵی 2023 بردەوە. محەمەد سەڵاح، ئەستێرەی لیڤەرپوول و ئەشڕەف حەکیمی، ئەستێرەی پاریس سانجێرمان لە پلەکانی دووەم و سێیەمدا هاتن.
نوانکو کانو، ئەفسانەی نایجێریا لە ساڵی 1999 دوا نایجێری بوو خەڵاتەکە بەدەستبهێنێت.
𝐖𝐢𝐧𝐧𝐞𝐫𝐬, 𝐚𝐬𝐬𝐞𝐦𝐛𝐥𝐞. 🌟#CAFAwards2023 pic.twitter.com/Eelau2THEY
— CAF (@CAF_Online) December 11, 2023
لەسەر ئاستی خانماندا، ئۆشوالا خەڵاتی باشترین یاریزانی ئافرەتی بەدەستهێنا، ئەمە شەشەمین جارە ئەستێرەکەی بارسێلۆنا خەڵاتەکە بەدەستدەهێنێت.
ئۆسیمین لە وەرزی رابردوودا 31 گۆڵی لە کۆی 39 یاریدا کرد و یارمەتی پارتێنۆپیدا لە دوای 32 ساڵ، ببنە پاڵەوانی ئیتاڵیا. لەلایەکی دیکەوە، ئۆشوالا 27 گۆڵی لەگەڵ بارسێلۆنا کرد و یارمەتی بلوگرانایدا، هەرسێ نازناوەکانی لالیگا، چامپیۆنزلیگ و جامی سوپەر بەدەستبهێنن.
یەکێتیی تۆپی پێی ئەفریقا، خەڵاتی باشترین راهێنەری بە وەلید رەگراگی، راهێنەری هەڵبژاردەی مەغریبدا و دێسیرێ ئێلیس، راهێنەری هەڵبژاردەی خانمانی ئەفریقای باشوور، خەڵاتی باشترین راهێنەری خانمانی بردەوە.
