یاریگا –
نووسینگەی داواکاری گشتی کۆڵۆمبیا رایگەیاند، هێزەکانی ئەمنی کۆڵۆمبیا لێکۆڵینەوە لە رووداوی رفاندنی دایك و باوکی یاریزانی تۆپی پێی کۆڵۆمبی و یانەی لیڤەرپوولی ئینگلیزی لویس دیاز لە باكووری وڵاتەكەیان دەکەن.
فابریزیۆ رۆمانۆ لە هەژماری تایبەتی خۆی لە تۆڕی كۆمەڵایەتی ئێكس كە لە رۆژنامەنووسی كۆڵۆمبی ڤیكی داڤێلاوە زانیاریەكانی وەرگرتووە ئاشكرایكرد، ئەمڕۆ دایك و باوكی لویس دیاز ئەستێرەی یانەی لیڤەرپوول لە وڵاتی كۆڵۆمبیا رفێندراون.
🚨 Sources close to Luis Díaz confirm that his mother Cilenis Marulanda has been rescued by the police.
The operation now continues to free his father, kidnapped earlier today. pic.twitter.com/LNAtKNi2dz
— Fabrizio Romano (@FabrizioRomano) October 29, 2023
ئەم رووداوە لە چەند كاتژمێری رابردوودا لە شاری بارانكاس لە گواجیرا روویداوە.
بەپێی زانیاریەكان پۆلیسی كۆڵۆمبیا ئاگاداری رووداوەكە بووە، كار بۆ گەڕانەوەی دایك و باوكی یاریزانەكە بە زووترین كات دەكەن.
هەر زوو پۆلیسی کۆڵۆمبیا توانیان دایكی یاریزانەكە ئازاد بكەن و ئێستا كار لەسەر ئازادكردنی باوكی دەكەن.
رۆمانۆ ئەوەشی ئاشكرا كردووە، كەسە نزیكەكانی لویس دیاز پشتڕاستیدەكەنەوە سیلینیس مارولاندای دایكی دیاز ئازادكراوە و ئۆپەراسیۆنەكە بۆ ئازادكردنی باوكیشی بەردەوامە.
وا بڕیارە ئەمڕۆ كاتژمێر 17:00 بە كاتی كوردستان لیڤەرپوول لە یاریگای ئانفیڵدڕۆد میوانداری نۆتینگهام بكات، ئەمەش لە میانی یارییەكانی هەفتەی دەیەمی خولی ئینگلیزیدا.
پێشبینی دەکرێت، بەهۆی ئەو رووداوەوە لویس دیاز بەشداری یارییەکە نەکات.
