رۆبی فاولەر بووە راهێنەری یانەیەکی سعودی
یاریگا –
رۆبی فاولەر، ئەفسانەی لیڤەرپوول دەبێتە راهێنەری قادسیەی سعودی.
فاولەر یەکێکە لە ئەفسانەکانی پرێمەرلیگ، پێشتر یاری بۆ لیڤەرپوو، مانچێستەر سیتی و لیدز یونایتد کردووە، هەروەها لە خولی هیندی، راهێنەری ئێست بێنگال بووە.
قادسیە لە خولی پلە دووی سعودیە یاری دەکات و هەوڵدەدات بۆ وەرزی داهاتوو، بگاتە خولی رۆشنی سعودی و شان بە شانی یانە گەورەکان یاری بکات.
جیا لە هیندستان، فاولەر راهێنەری موانگسۆنگ یونایتدی تایلاندی و بریسبەین رۆری ئوسترالی بووە.
روبي فاولر.. أحد أشهر لاعبي ليفربول والدوري الإنجليزي.. مدربًا
للقادسية ❤️💛 pic.twitter.com/OhKxX0B2uL— نادي القادسية السعودي (@Alqadsiah) June 29, 2023
فاولەر بەشێکە لە وەبەرهێنانی گەورەی حکومەتی سعودیە لە ژێرخانی وەرزشی وڵات.
لە سەرەتای مانگی حوزەیران، وەزارەتی وەرزشی سعودیە رایگەیاند، سندوقی وەبەرهێنانی گشتی کۆنتڕۆڵی یانەکانی ئەهلی، ئیتیحاد، هیلال و نەسر دەکات، ئەمەش وایکردووە، پۆل پۆل ئەستێرەی گەورەی جیهانی بگوازنەوە.
