ریال مەدرید چاودێری فێرناندێز دەکات

یاریگا–
یانەی ریال مەدریدی ئیسپانیا، چاودێری برۆنۆ فێرناندێز ناوەڕاستکاری هەڵبژاردەی پۆرتوگال و یانەی مانچێستەر یونایتدی ئینگلیزی دەکات.

رۆژنامەی ریکۆردی پۆرتوگالی بڵاویکردەوە، کارگێری شاهانەکان ناوەڕاستکارەکەی هەڵبژاردەی وڵاتەکەیان و یانە ئینگلیزیەکە کردووەتە ئامانج، بۆیە لە مۆندیالی 2022 چاودێری ئەو یاریزانە دەکەن و، پێشبینی دەکرێت بۆ وەرزی داهاتوو هەوڵی گواستنەوەی بدەن.

برۆنۆ تاوەکو ساڵی 2026 گرێبەستی لەگەڵ مانچێستەر یونایتد هەیە و، ئەو یانەیە بەهۆی ئاستە بەرزەکەی، ئەستەمە دەستبەرداری بێت.