یاریگا–
لوکا مۆدریچ، ناوەڕاستکاری یانەی ریال مەدرید ئامادەیە گرێبەستەکەی نوێ بکاتەوە، بەڵام کارگێری یانەکەی چاوەڕێ کۆتا ساڵی گرێبەستەکەی دەکات.
ماڵپەری Relevo بڵاویکردەوە، ناوەڕاستکارە کڕواتیەکەی شاهانەکان ئامادەیە گرێبەستەکەی لەگەڵ یانەکەی نوێ بکاتەوە، بەڵام یانەکە نایەوێت پەلە بکات و چاوەڕێ کۆتا ساڵی دەکەن، دواتر بەپێ ئاستی بڕیاری کۆتایی دەدەن.
مۆدریچ لە ساڵی 2023 گرێبەستەکەی لەگەڵ ریال مەدرید کۆتایی دێت و پێشبینی دەکرێت بۆ ماوەی یەکساڵ گرێبەستەکەی نوێ بکرێتەوە.
