ئه‌وروپا
پەیامی ڕۆناڵدۆ دوای بردنەوەكەیان بەرامبەر چیك
یاریگا-
كریستیانۆ ڕۆناڵدۆ ئەستێرەی هەڵبژاردەی پورتوگال پەیامێكی ئاڕاستەی هاندەرانی هەڵبژاردەكەی كرد دوای بردنەوەكەیان بەرامبەر چیك.
هەڵبژاردەی پورتوگال ڕووبەڕووی هەڵبژاردەی چیك بوویەوە و یاریەكەشی بە چوار گۆڵی بێ بەرامبەر لێ بردەوە ، لە میانەی یاریەكانی قۆناغی كۆمەڵەكانی نەیشن لیگ.
گۆڵەكانی پورتوگال لەلایەن دالۆت دوو گۆڵ و برۆنۆ فێرناندیز گۆڵێك و دیگۆ جۆتا گۆڵێك تۆمار كران.
لە دوای یاریەكە دۆن لە هەژماری تایبەتی خۆی لە تۆڕی كۆمەڵایەتی ئینستاگرام نووسیویەتی:
” یاریەكی نایاب و سەركەوتنێكی گرنگ بۆ تیپەكەمان ، سەرنجی تەواو دەخەینە سەر بەدەستهێنانی ئامانجەكەمان ، سوپاس بۆ پاڵپشتییە سەرنجڕاكێشەكەی گەلی پورتوگال ”.
