فەرمی: مانچێستەر سیتی گرێبەستی هالاندی ڕاگەیاند
یاریگا-
بەشێوەیەكی فەرمی یانەی مانچێستەر سیتی گرێبەستی ئیرلینگ هالاندی نەرویجی و هێرشبەری پێشووی یانەی بروسیا دۆرتمۆندی ئەڵمانی ڕاگەیاند.
كەمێك پێش ئێستا هەژماری فەڕمی مانچێستەر سیتی لە تۆڕی كۆمەڵایەتی تویتەر گرێبەستی ئیرلینگ هالاندی ڕاگەیاند و لەمڕۆوە یاریزانەكە بەشێوەی فەڕمی یاریزانی شینپۆشەكانی مانچێستەرە.
— Manchester City (@ManCity) June 13, 2022
لە دوای ڕاگەیاندنی گرێبەستەكەی هالاند ووتی: ئەمڕۆ شانازیە بۆ خۆم و خێزانەكەم ، هەموو كات سەیری یاریەكانی مانچێستەر سیتیم دەكرد.
هەروەها ووتیشی: لەو باوەڕەدام لە شوێنێكی گونجاوام بۆ بەدەستهێنانی ئامانجەكانم، دەمەوێت گۆڵ تۆمار بكەم و نازناو ببەمەوە و وەك یاریزانی تۆپی پێ بەرەو پێشەوە بچم ، من متمانەم بە خۆمە كە دەتوانم لێرە ئەنجامی بدەم و ناتوانم چاوەڕوان بم بۆ دەستپێكردنەوەی وەرزی نوێ.
لە وەڵامی ئەو پرسیارەی كە بۆچی مانچێستەر سیتی هەڵبژارد گۆڵكارە نەرویجیەكە ووتی: یەكەم شت وپێش هەر شتێك بە بۆنەی باوكمەوە.
