دالکورد بەردەوامە لەسەر بردنەوەکانی

یاریگا–
یانەی دالکورد لە بەردەوامی خولی ئیتانی سویدی و لە کۆمەڵەی دووەم بووە میوانی یانەی تابی و بردنەوەی بەدەستهێنا.

لە بەردەوامی خولی ئیتانی سویدی و لە کۆمەڵەی دووەم و لە گەڕی 24 یانەی دالکورد بووە میوانی تابی و یارییەکەی بە دوو گۆڵ بەرامبەر گۆڵێک بردەوە و، چواردەهەم بردنەوەی ئەم وەرزەیان لە خولەکە تۆمار کرد.

دالکورد بەم بردنەوەیە کۆی خاڵەکانی لە پلەی دووەمی کۆمەڵەی یەکەم بە شێوەیەکی کاتی گەیاندە 49 خاڵ.