یاریگا–
یانەی بارسێلۆنای ئیسپانیا بریاریداوە بۆ ئەم وەرزە درێسی ژمارە 10 بە هیچ یاریزانێک نەدات، کەچی هەردوو یاریزانی ئەو یانەیە واتە کۆتینهۆ و مینگوئێزا تاوەکو ئێستا ژمارەکانیان دیار نیە.
کەناڵی TV3 ئیسپانی بڵاویکردەوە، بلاوگرانا بریاریداوە لە دوای چوونی لیۆنێل مێسی لە یانەکەیان، ئەم وەرزە درێسی ژمارە 10 کە ساڵانێک خاوەنەکەی یاریزانی پێشووی یانەکەیان بوو، بە هیچ یاریزانێک نەدەن، بەڵام پێدەچێت لەم بریارەیان پاشگەز ببنەوە، چونکە تاوەکو ئێستا دوو یاریزانی یانەکەیان بێ ژمارە و تەنها ژمارەکانی 10 و 25 لەم یانەیە بەردەستن.
سەرچاوەکە ئەوەشی بڵاوکردەوە هەموو ئەگەرەکان باس لەوە دەکەن کە کۆتینهۆ بۆ ئەم وەرزە درێسی ژمارە 10ـی پێ بدرێت.
