یاریگا–
جێرارد پیکێ، بەرگریکاری ئیسپانی یانەی بارسێلۆنا دوای کشانەوەی زۆربەی یانەکان لە خولی سوپەری ئەوروپا و هەڵپەسارندنی خولەکە، گاڵتە بە فلۆرێنتینۆ پێرێز سەرۆکی یانەی ریال مەدرید و یەکێک لە خاوەنەکانی بیرۆکەی خولەکە دەکات.
بەرگریکارەکەی بلاوگرانا دوای شکستهێنانی پرۆەکە و هەڵپەسارندی بە شێوەیەکی کاتی و دەرچوونی زۆربەی یانەکانی بەشدرا لە خولەکە، لە هەژماری فەرمی خۆی لە تۆڕی کۆمەڵایەتی تویتەر وەکو گاڵتەجاریەک بەرامبەر سەرۆکی شایانەکان نوسیویەتی ” شەوی رابردوو ئاهەنگگێڕان و ئەمڕۆش ناخۆشی و بێ دەنگی، ئێلچرینگیتۆ و فلۆرێنتینۆ ”.
شەوێک پێش هەڵپەسارندنی خولت سوپەری ئەوروپا، پێرێز لە کەناڵی ئێلچرینگیتۆی ئیسپانی رایگەیاند هەموو شتێک بەباشی بەڕێوەدەچێت، کەچی دواتر زۆربەی یانە بەشداربووەکان پاشەکشەیان کرد.
