ئیراولا دوو هاوڕێ نزیکەکەی دەباتە لیڤەرپوول

یاریگا –

هەموو شتێک یەکلایی بووەتەوە و ئاندۆنی ئیراولا، راهێنەری لیڤەرپوول، دوو هاوڕێ دێرینەکەی لەگەڵ خۆی دەباتە لیڤەرپوول.

تۆڕی سکای سپۆرتس بڵاویکردووەتەوە، هەردوو یاریدەدەرانی راهێنەری بۆرنمس، تۆمی ئێڵفیک و شۆن کووپەر لەگەڵ یانەکەیان گەیشتنە رێککەوتن و گرێبەستەکانیان لەگەڵ بۆرنمس هەڵدەوەشێننەوە و پەیوەندی بە لیڤەرپوول دەکەن

ئاندۆنی ئیرولا دوای جێهێشتنی بۆرنمس و وەرگرتنی پۆستی راهێنەرایەتی لیڤەرپوول، بڕیاریدابوو هەردوو یاریدەدەرەکەی لەگەڵ خۆی بباتە لیڤەرپوول، بەڵام تۆمی ئێڵفیک و شۆن کووپەر دەبوو سەرەتا لەگەڵ بۆرنمس رێکبکەون و گرێبەستەکانیان هەڵبوەشێننەوە، ئێستا گرێبەستەکانیان هەڵوەشاندووەتەوە و لەم هەفتەیە گرێبەست لەگەڵ رێدز واژۆ دەکەن.

ئێڵفیک و شۆن لە 2023ـوە لەگەڵ ئیراولا پەیوەندییان بە بۆرنمس کردووە و رۆڵێکی کاریگەریان لە سەرکەوتنەکانی یانەکە هەبووە و توانیان پلەی شەشەمی پرێمەرلیگ بۆ بۆرنمس بەدەستبهێنن و بۆ یەکەمجار ئەو یانەیان گەیاندە پاڵەوانێتییە ئەوروپییەکان.

BREAKING: Tommy Elphick and Shaun Cooper agree deals to leave Bournemouth and are set to join Liverpool as assistant coaches to Andoni Iraola 🔴 pic.twitter.com/XvCYfkbzmF

— Sky Sports News (@SkySportsNews) June 26, 2026