یاریگا-
باشترین یاریزانی ئەم وەرزەی پرێمەرلیگ دەستنیشانكرا و ئەستێرەكەی مانچێستەر یونایتد خەڵاتەكەی بردەوە.
هەژماری فەرمی پرێمەرلیگ لە پلاتفۆرمی ئێكس ئاشكرایكرد، بڕونۆ فێرناندێش بە باشترین یاریزانی ئەم وەرزەی پرێمەرلیگ دەستنیشانكراوە و خەڵاتەكەی بردووەتەوە.
A season for the history books 📖@manutd‘s Bruno Fernandes is @EASPORTSFC Player of the Season ❤️ pic.twitter.com/nj0wKjlpFv
— Premier League (@premierleague) May 23, 2026
بڕونۆ وەرزێكی نایابی لەگەڵ مانچێستەر یونایتد پێشكەشكرد و توانی 20 گۆڵ درووستبكات كە زۆرترینە لە مێژووی خولەكەدا.
ئەستێرەكەی پۆرتوگال لەم وەرزەدا خەڵاتی باشترین یاریزانی پرێمەرلیگی بردەوە هەروەها لەلایەن یەكێتیی رۆژنامەنووسانیش بە باشترین یاریزان دەستنیشانكرا و بە باشترینی مانچێستەر یونایتدیش هەڵبژێردرا.
ناوەڕاستكارەكەی شەیتانە سوورەكان لەم وەرزەی پرێمەرلیگدا 34 یاریی كردووە و توانیویەتی هەشت گۆڵ بكات و 20 گۆڵیش درووستبكات.
