نونێز لەلایەن گەورەیەکی ئەوروپا داواکراوە

یاریگا –

ناپۆلی هەوڵەکانی بۆ گواستنەوەی داروین نونێز، هێرشبەری لیڤەرپوول دەستپێکردووە.

تۆڕی سکای ئیتاڵیا بڵاویکردووەتەوە، ناپۆلی خەریکە هەڵسەنگاندنی تەواو و خوێندنەوە بۆ رێککەوتن لەگەڵ نونێز تاوتوێ دەکات.

نونێزی تەمەن 25 ساڵان، هێشتا سێ ساڵ بۆ بەسەرچوونی گرێبەستەکەی لە لیڤەرپوول ماوە، بەڵام تەواوی ئاماژەکان بەرەو جێهێشتنی ئانفیڵدن.

ناپۆلی بەدوای هێرشبەرێک دەگەڕێت و جیۆڤانی مانا، بەڕێوەبەری وەرزشی یانە ئیتاڵییەکە پێی وایە، نونێز و لۆرێنزۆ لوکا، هێرشبەری یوندینێزی، دەتوانن رۆڵ لە داهاتووی یانەکەدا بگێڕن.

بەگوێرەی راپۆرتەکە، ئەگەر ناپۆلی کێشەی دارایی لە گواستنەوەکە بۆ دروست نەکرێت، ئەوا نونێز بژاردەی یەکەمی یانەکەیە.