یاریگا –
مانچێستەر سیتی لە دوا خولەکەکانی میرکاتۆی زستانەدا، گرێبەستی لەگەڵ نیکۆ گۆنزالێزدا واژۆ کرد. لەم راپۆرتەدا هەموو ئەو زانیارییانە دەخەینەڕوو کە پێویستە لەسەر ناوەڕاستکارە نوێیەکەی سیتیزن بزانیت.
گۆنزالێز کە لە پۆرتۆوە بە گرێبەستێکی چوار ساڵ و نیوی پەیوەندی بە تیمەکەی گواردیۆلاوە کرد، لە ساڵی 2002 لە ناوچەی ئا کۆرونا لە شاری گالیسیا لە باکووری رۆژئاوای ئیسپانیا لەدایکبووە، ناوی تەواوی نیکۆلاس گۆنزالێز ئیگلیسیاسە.
ژیانی تۆپی پێی لە یانەی ناوخۆیی مۆنتانێرۆس دەستپێکردووە دواتر لە تەمەنی 11 ساڵیدا و لە ساڵی 2013 پەیوەندی بە ئەکادیمیای بەناوبانگی لاماسیای بارسێلۆناوە کرد.
فران گۆنزالێز، باوکی نیکۆ، یاریزانی تۆپی پێ بووە. یاریزانێکی چەپی ناوەڕاست، لە نێوان ساڵانی 1988 بۆ 2005 کۆی گشتی 700 یاری بۆ دیپۆرتیڤۆ لاکۆرونا کردووە. ژیانی وەرزشی هاوکات بوو لەگەڵ رەنگە باشترین سەردەمی مێژووی یانەکەدا کە یانە گالیسیاییەکە بەردەوام لە رکابەرییەکانی کیشوەریدا بەشداری دەکرد و لە وەرزی 2003/2004 گەیشتە قۆناغی پێش کۆتایی چامپیۆنزلیگ.
12 جار وەک یاریزانێک بەرامبەر پێپ گواردیۆلا یاریی کردووە، چوار جار بردنەوەی بەدەستهێناوە و لە حەوت یارییشدا بە بارسێلۆنای پێپ دۆڕاوە. هەروەها لەگەڵ پێپ گواردیۆلا حەوت جار بەیەکەوە یارییان بۆ هەڵبژاردەی ئیسپانیا کردووە.
ئەکادیمیای بارسێلۆنا لە سەرانسەری جیهاندا بەهۆی ئەو بەهرانەی کە بەرهەمی دەهێنێت ناسراوە، گۆنزالێز یەکێکە لەو بەهرەمەندانە. گواردیۆلا خۆی یاریزانێکی ناوەڕاست بوو کە لە فەلسەفەی بارسێلۆنادا خوێندوویەتی، بۆیە پێدەچێت کاتێک گۆنزالێز دەبینێت خۆی لەودا بدۆزێتەوە.
یاریزانە نوێیەکەی سیتی لە هیڵی ناوەڕاست یاریی دەکات، بەڵام توانای ئەوەی هەیە لە هێڵەکانی پێشەوە بەشداری بکات. لە کۆنتڕۆڵکردن بێت یان بە بێ تۆپ، گۆنزالێز توانای کاریگەری لە سەرانسەری یاریگادا لە یارییدا هەیە.
لەم وەرزەشدا حەوت گۆڵ و شەش ئەسیستی لە 29 یاریدا کردووە.
