
یاریگا –
بەلای زۆرێک لە هەوادارانی تۆپی پێ لەسەر ئاستی مێژوو کریستیانۆ رۆناڵدۆ باشترینی هەموو سەردەمەکانە، بەڵام کوڕەکەی بۆ ئێستا رایەکی جیاوازتری هەیە.
لە چاوپێکەوتنێکی نوێدا لەگەڵ بڵاوکراوەی La Sextaی ئیسپانی، رۆناڵدۆ دانی بەوەدا نا لە چاوی ماتیۆی کوڕیەوە ئێمباپێ ئەوی تێپەراندووە و، وتی
ماتیۆ پێم دەڵێ باوکە… ئێمباپێ لە تۆ باشتره. منیش پێی دەڵێم نا نەخێر، باوکت لەو باشترە. من لەو زیاتر گۆڵم تۆمارکردووە.
ئەو درکاندنەی دۆن لەکاتێکدایە خودی کیلیان هەوادارێکی لەمێژینەی ئەفسانە پۆرتوگالیەکەیە و، هەمیشە بە نموونەی باڵای خۆی زانیوە.
رونالدو: ابني ماتيو يقول لي إن مبابي أفضل مني وأنا أقول له إن لدي أهدافا أكثر #الشرق_رياضة #الشرق_للأخبار pic.twitter.com/L5vDLHhh1d
— الشرق رياضة (@AsharqSports) January 29, 2025
ئێمباپێ هەر لە منداڵییەوە سەرسامی کریستیانۆیە. بەجۆرێک، لە ژوورەکەیدا وێنەی رۆناڵدۆی بە چەندین گرتەی جیاواز بە دیوارەکاندا هەڵدەواسی. ئەوە جگە لەوەی وێنەی یادگارییشی لەگەڵدا هەیە.